އދ. ދިއްދޫ ކައުންސިލްގެ ރައީސްކަމަށް އައްޝާން އަބްދުﷲ ހޮވިއްޖެއެވެ.
އދ. ދިއްދޫ ކައުންސިލްގެ ރައީސްކަމަށް އައްޝާން އަބްދުﷲ ހޮވިފައިވަނީ، އެ ރަށުގެ ކައުންސިލް ރައީސް ހޮވުމަށް ހޮނިހިރު ދުވަހު ބޭއްވި ބައި-އިލެކްޝަނުން ކާމިޔާު ހޯދައިގެންނެވެ.
އދ. ދިއްދޫ ކައުންސިލްގެ ރައީސް އިންތިހާބު ކުރުމަށް ބޭއްވި ބައި-އިލެކްޝަންގެ ވަގުތީ ނަތީޖާ ދައްކާގޮތުން، އައްޝާން އިންތިހާބު ކާމިޔާބުކޮށްފައިވަނީ 64 ވޯޓުންނެވެ. އޭނާއާއި ވާދަކުރި އަހުމަދު ޒާލިފް އަށް ލިބިވަޑައިގެންނެވީ 47 ވޯޓެވެ. ދެ ބޭފުޅުންވެސް ކުރިމަތިލެއްވީ އަމިއްލަ ގޮތުންނެވެ.
މި ބައި-އިލެކްޝަންގައި 148 މީހަކަށް ވޯޓު ދިނުމުގެ ހައްގު ލިބިގެންވެއެވެ. އަދި އޭގެ ތެރެއިން 112 މީހަކު ވޯޓުލާފައިވެއެވެ. ސައްހަ ވޯޓުގެ އަދަދަކީ 111އެވެ. ބާތިލް 1 ވޯޓު ހިމެނެއެވެ. މި އިންތިހާބުގައި 75.68 އިންސައްތަ މީހުން ވަނީ ވޯޓުލާފައެވެ.
