އައްޑޫ އިކުއިޓޯރިއަލް ހޮސްޕިޓަލުގައި ފުރަތަމަ ފަހަރަށް ކާމިޔާބު ކަމާއެކު ސައިނަސްގެ ސާޖަރީއެއް ހަދައިފިއެވެ.
އެ ހޮސްޕިޓަލުން ހޯމަ ދުވަހު ބުނެފައިވާ ގޮތުގައި މިއީ އެ ހޮސްޕިޓަލުގެ ފުރަތަމަ "ފަންކްޝަނަލް އެންޑޮސްކޯޕިކް ސައިނަސް ސާޖަރީ (ފެސް) ކަމަށެވެ. އަދި އެ ސާޖަރީ އެ ހޮސްޕިޓަލުގެ އީއެންޓީ ޓީމުން ކޮށްފައިވަނީ ވަރަށް ކާމިޔާބީއާއެކު ކަމަށް ވަނީ ބުނެފައެވެ.
ފެސްގެ ސަބަބުން ސައިނަސްގެ މައްސަލަތަކުން ލުއިފަސޭހަތައް ލިބިގެންދާނެއެވެ.
އައްޑޫ އިކުއިޓޯރިއަލް ހޮސްޕިޓަލުގެ ކޮންސަލްޓެންޓް ސަރޖަންއެއް ވިދާޅުވި ގޮތުގައި މިއީ އެ ހޮސްޕިޓަލުގެ އެފަދަ ފުރަތަމަ ސާޖަރީއަށްވި ނަމަވެސް އެއީ އެ ހޮސްޕިޓަލުގެ އީއެންޓީ ޓީމުގެ އެފަދަ ފުރަތަމަ ސާޖަރީ ނޫން ކަމަށެވެ. އަދި އެ ހޮސްޕިޓަލުގެ އީއެންޓީ ޓީމަކީ ވަރަށް ތަޖުރިބާކާރު ޓީމެއް ކަމަށް ވެސް އޭނާ ވިދާޅުވިއެވެ.
