ކުޅެން ނުކުތްތާ 40 ސިކުންތުގެ ތެރޭގައި ރަތްކާޑު!
6 މާރިޗު 2023 | ހޯމަ 02:43މެޗު 1-0 ން ކާމިޔާބުކުރީ ރޯމާ
މޮއިސް ކީންއަށް ރަތްކާޑް ދައްކަނީ: ފޮޓޯ-ގެޓީ އިމޭޖް
ރޯމާ އަތުން ޔުވެންޓަސް ބަލިވި މެޗުގައި ކުޅެން ނުކުތްތާ 40 ސިކުންތުގެ ތެރޭގައި ސީދާ ރަތްކާޑަކާއެކު މޮއިސް ކީން ފޮނުފާލައިފިއެވެ.
1-0 ން ރޯމާ މޮޅުވި މެޗުގައި ކީން ކުޅެން ނުކުތީ މެޗުގެ ފަހު މިނެޓުގައެވެ. އެވަޓަންގެ ލޯނު އެއްބަސްވުމެއްގެ ދަށުން ޔުވެންޓަސްއަށް ބަދަލުވި ކީންއަށް ސީދާ ރަތްކަޑެއް ދެއްކީ މެޗުގެ ހަމައެކަނި ލަނޑު ޖެހި މަންސިނީއަށް ހަމަލާ ދިނުމުންނެވެ. ރޯމާގެ ޑިފެންޑަރ މަންސިނީ މެޗުގެ ހަމައެކަނި ލަނޑު ޖެހީ 53 ވަނަ މިނެޓުގައެވެ.
މިމޮޅާއެކު ރޯމާ ވަނީ އަލުން ލީގުގެ ގަދަ ހަތަރެއްގެ ތެރެއަށް ވަދެފައެވެ. އެއީ 47 ޕޮއިންޓާއެކުއެވެ. ތިންވަނާގައި އޮތް ލާޒިއޯއާ ދެމެދު އޮތީ ޕޮއިންޓެއްގެ ފަރަގެކެވެ. ރަނގަޅު ފޯމެއްގައި އޮތް ޔުވެންޓަސް ބަލިވުމާއެކު ހަތްވަނައިން އަށްވަނައަށް ވަނީ ސޮއްސާލާފައެވެ.
