ހާލާންޑްގެ އެޖެންޓުގެ މެސެޖު: ހުވަފެނީ ކުލަބަކީ ރެއާލް މެޑްރިޑް
އެޖެންޓް ބުނީ ހާލާންޑް މެންޗެސްޓާ ސިޓީއަށް ސޮއިކުރީ އެކުލަބާއި އޭނާގެ އާއިލާއާ އޮތް ގުޅުމެއްގެ ސަބަބުން ކަމަށް
އާލިން ހާލާންޑް (މ) އޭނާގެ އެޖެންޓް (ވ)އާއެކު: މިވަގުތު ކުޅެނީ މެންޗެސްޓާ ސިޓީ އަށް.
ކޮންމެ ކުޅުންތެރިއެއްގެ ވެސް ހުވަފެނީ ކުލަބަކީ ސްޕޭނުގެ ރެއާލް މެޑްރިޑްކަމަށް އިނގިރޭސިވިލާތުގެ މެންޗެސްޓާ ސިޓީ އަށް ކުޅެމުން ނޯވޭގެ ފޯވަޑް އާލިން ހާލާންޑްގެ އެޖެންޓް ބުނެފި އެވެ.
ކޮންމެ އަހަރަކު ވެސް ބާއްވާ ފުޓްބޯޅަ ސަމިޓްގައި ވާހަކަ ދައްކަމުން ބްރެޒިލްގެ އެޖެންޓް ރަފައެލާ ޕިމޮންޓޯ ބުނީ ހާލާންޑް މެންޗެސްޓާ ސިޓީއަށް ފަސް އަހަރު ދުވަހަށް ސޮއިކުރީ އެކުލަބާއި އޭނާގެ އާއިލާއާ އޮތް ގުޅުމެއްގެ ސަބަބުން ކަމަށެވެ.
އޭނާ އަދި ބުނީ ކޮންމެ ކުޅުންތެރިއެއްގެ ކުރިމަގަށް ޕްލޭންތަކެއް ހަދާނެ ކަމަށެވެ. މި ގޮތުން ކުޅުންތެރިންގެ ފުރަތަމަ ޗޮއިސްއަކީ އަބަދުވެސް އިނގިރޭސި ޕްރެމިއާ ލީގު ކަމަށެވެ.
ޒުވާން ފޯވަޑް ހާލާންޑަކީ ވޯލްޑްކަޕް ނުކުޅެ މިދިޔަ އަހަރުގެ ފީފާ ޑްރީމް ޓީމުގައި ހިމެނުނު ކުޅުންތެރިއެކެވެ. އޭނާ ގަތުމަށް ސްޕޭނުގެ ބާސެލޯނާ އާއި ރެއާލް މެޑްރިޑުން ވަނީ ޝައުގުވެރިކަން ފާޅުކޮށްފަ އެވެ.
