ރުކެއް ވައްޓަން އުޅުމުގެ ތެރޭގައި މީހަކު މަރުވެއްޖެ

ތ. ބުރުނީގައި ރުކެއް ވައްޓާލައި އެ ރުއް ފުރޮޅަން އުޅުމުގެ ތެރޭގައި މީހަކު މަރުވެއްޖެއެވެ.

ފުލުހުން ބުނީ މި ހާދިސާގައި އެކަކު މަރުވެފައިވާއިރު 3 މީހަކަށް އަނިޔާވެފައިވާކަމަށެވެ. ހާދިސާގެ މައުލޫމާތު ފުލުހުންނަށް ލިބިފައިވަނީ އާދިއްތަ ދުވަހުގެ ހަވީރު 16:44 ގައެވެ.

އަނިޔާވި 3 މީހުންނަށް ދ. އަތޮޅު ހޮސްޕިޓަލުގައި ފަރުވާ ދެމުންދާކަމަށް ފުލުހުން ބުނެފައިވެއެވެ. ފުލުހުން ބުނީ ފަރުވާދެމުންދާ 3 މީހުންގެ ތެރެއިން 2 މީހެއްގެ ހާލު ސީރިއަސްކަމަށް ކަމަށެވެ.

ނިޔާވި މީހާގެ ހަށިގަނޑާއި، އަނިޔާވި 3 މީހުން މާލެ ގެނައުމުގެ މަސައްކަތް ދަނީ ކުރަމުންނެވެ.

މައުލޫމާތު ލިބޭގޮތުގައި މި ހާދިސާގައި އަނިޔާވެފައިވަނީ އެމްޓީސީސީގެ ބިދޭސީ މުވައްޒަފުންތަކަކަށެވެ. އަދި ހާދިސާގައި މަރުވި މީހާއަކީވެސް ބިދޭސީ މުވައްޒަފެއް ކަމަށް މައުލޫމާތުލިބެއެވެ.

ފުލުހުން ބުނީ މި ހާދިސާއާ ގުޅިގެން އިތުރަށް ބަލަންޖެހޭ ކަންކަން ބަލަމުންދާކަމަށެވެ.