ވީނުވީއެއް ނޭނގި މާލެއިން އަންހެނަކު ގެއްލިގެން ހޯދަނީ
5 ސެޕްޓެމްބަރު 2026 | ހޮނިހިރު 12:19ލ. މުންޑޫ، ގުލްޒާރުގެ، މަރިޔަމް މާއީ ޖަމީލް (25އ) ގެއްލިގެން ރިޕޯޓުކޮށްފައިވަނީ މި މަހުގެ އެއްވަނަ ދުވަހުގެ ފަތިހު. މާލޭގައި ދިރިއުޅޭ މި އަންހެންމީހާއާ ބެހޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން ނަންބަރަށް ގުޅައި ހިއްސާކުރުމަށް ވަނީ އެދިފައި
ވީނުވީއެއް ނޭނގި މާލެއިން ގެއްލިގެން ހޯދަމުންދާ ލ.މުންޑޫ ގުލްޒާރުގެއަށް ނިސްބަތްވާ އުމުރުން 25 އަހަރުގެ މަރިޔަމް މާއީ ޖަމީލް | ޕޮލިސް މީޑިޔާ
ވީނުވީއެއް ނޭނގި މާލެއިން 25 އަހަރުގެ އަންހެނަކު ގެއްލިގެން ހޯދަމުންދާކަމަށް ފުލުހުން ބުނެފި އެވެ.
ހޮނިހިރު ދުވަހު ފުލުހުން ބުނީ ގެއްލިގެން ހޯދަމުން ދަނީ ލ.މުންޑޫ ގުލްޒާރުގެއަށް ނިސްބަތްވާ އުމުރުން 25 އަހަރުގެ މަރިޔަމް މާއީ ޖަމީލް ކަމަށެވެ. އަދި އޭނާ ދިރިއުޅެމުން ދަނީ މާލޭގައި ކަމަށް ފުލުހުން މައުލޫމާތު ދީފައިވެ އެވެ.
މާއީ ގެއްލިފައިވާކަން ފުލުހުންނަށް ރިޕޯޓުކޮށްފައިވަނީ ސެޕްޓެމްބަރު 1 ވަނަ ދުވަހުގެ ފަތިހުގެ ވަގުތެއްގަ ކަމަށް އެ މުއައްސަސާއިން ބުނެފައިވެ އެވެ.
މާއީ އާ ގުޅޭ އެއްވެސް މައުލޫމާތެއް ލިބިފައިވާ ނަމަ ހެންވޭރު ޕޮލިސް އިންވެސްޓިގޭޝަން ނަންބަރު 9400053 ނުވަތަ ދިވެހި ފުލުހުންގެ ހިދުމަތުގެ ހޮޓްލައިން ނަންބަރު 3322111 އަށް މައުލޫމާތު ހިއްސާކުރުމަށް ފުލުހުން ވަނީ އެދިފައި އެވެ.
