ސިންގަޕޫރު ޓީމު ބުދަ ދުވަހުގެ ރޭ ރާއްޖެ އަންނަނީ

ބުރާސްފަތި ދުވަހު ރާއްޖޭގައި ފަށާ ފޯ ނޭޝަންސް ކަޕް ވޮލީ މުބާރާތުގައި ވާދަކުރުމަށް ސިންގަޕޫރު ޓީމު ބުދަ ދުވަހުގެ ރޭ ރާއްޖެ އަންނާނެ އެވެ.

ރާއްޖޭގެ އިތުރުން މެލޭޝިޔާ، އަފްޣާނިސްތާން އަދި ސިންގަޕޫރު ވާދަ ކުރާ މުބާރާތް ރާއްޖޭގައި ކުރިއަށް ދާނީ މި މަހުގެ 23 އިން 27 އަށް ޒުވާނުންގެ މަރުކަޒުގެ އެތެރޭ ހޯލުގަ އެވެ. މުބާރާތުގައި ވާދަކުރުމަށް މެލޭޝިޔާގެ ފިރިހެން އަދި އަންހެން ޓީމާއި އަފްޣާނިސްތާނުގެ ޓީމު ވަނީ އަންގާރަ ދުވަހު ރާއްޖެ އައިސްފަ އެވެ. ސިންގަޕޫރު ޓީމު ބުދަ ދުވަހުގެ ރޭ ރާއްޖެ އަންނައިރު، ރާއްޖޭގެ ފިރިހެން ޓީމާއި އަންހެން ޓީމު ވަނީ ތަމްރީނު ކޭމްޕަކަށްފަހު ރާއްޖެ އައިސްފަ އެވެ.

ފޯ ނޭޝަންސް ކަޕް ފެށުމެއް ހަމަޖެހިފައި ވަނީ ބުރާސްފަތި ދުވަހުގެ މެންދުރު އެވެ. އެ ދުވަހުގެ 14:30 ގައި އޮންނަ ފިރިހެން މެޗުގައި ބައްދަލުކުރާނީ އަފްޣާނިސްތާނާއި ސިންގަޕޫރު އެވެ. އެ ދުވަހުގެ 16:30 ގައި އޮންނަ އަންހެން މެޗުގައި ބައްދަލު ކުރާނީ ރާއްޖެ އާއި މެލޭޝިޔާ އެވެ. ބުރާސްފަތި ދުވަހުގެ ރޭ 20:30 ގައި ރާއްޖޭގެ ޤައުމީ ފިރިހެން ޓީމުން ވެސް ނިކުންނާނީ މެލޭޝިޔާއާ ދެކޮޅަށެވެ. މުބާރާތް ކުރިއަށް ގެންދިޔުމަށް ހަމަޖެހިފައި ވަނީ ރައުންޑްރޮބިން އުސޫލުންނެވެ.