އިނގިރޭސި ކުލަބަކަށް ކޯޗުކޮށްދޭނަމަ އޮތީ މެންޗެސްޓާ ޔުނައިޓެޑް: ޒަވީ
ބާސެލޯނާއަށް ބަދަލުވުމުގެ ކުރިން ޔުނައިޓެޑްގެ ކޯޗަކަށްވާން ފުރުސަތު ލިބުނު
ބާސެލޯނާގެ ކޯޗު ޒަވީ: ޔުނައިޓެޑަށް ކޯޗުކޮށްދޭން ޝައުގުވެރިވޭ
އިނގިރޭސި ފުޓްބޯޅައާމެދު އަބަދުވެސް ޝައުގުވެރިވާ ކަމަށާއި އިނގިރޭސި ޓީމަކަށް ކޯޗުކޮށްދޭނަމަ އެ ކުލަބަކަށްވާނީ މެންޗެސްޓާ ޔުނައިޓެޑް ކަމަށް ސްޕޭނުގެ ބާސެލޯނާގެ ކޯޗު ޒަވީ ހަނާންޑޭޒް ބުނެފި އެވެ.
އޭނާ މިހެން ބުނީ ޔޫރޮޕާ ލީގުގެ ދެ ވަނަ ބުރުގައި މި ދެ ޓީމު މިރޭ ކުޅޭ މެޗުގެ ކުރިން ވާހަކަ ދައްކަމުންނެވެ. ޒަވީ ބުނީ ގަތަރުގެ އަލްސާދު ދޫކޮށް ބާސެލޯނާއަށް ބަދަލުވުމުގެ ކުރިން އޭނާ އަށް ޔުނައިޓެޑްގެ ކޯޗަކަށްވާން ފުރުސަތު ލިބުނު ކަމަށެވެ.
މި ސީޒަން ފެށުމުގެ ކުރިން ޔުނައިޓެޑާ ހަވާލުވި ކޯޗަކީ ނެދަލޭންޑްސްގެ އެރިކް ޓެންހަގެވެ. ޒަވީ ބުނީ ޓެން ހާގްގެ ކޯޗުކަމުގައި ޔުނައިޓެޑުން ވަރަށް ރަނގަޅު ބަދަލުތަކެއް ފެނިގެން ހިނގައްޖެ ކަމަށެވެ.
މިދިޔަ ސީޒަނުގައި ޔޫރޮޕާ ލީގު ކާމިޔާބު ނުކުރެވުނު ނަމަވެސް ޒަވީ ބުނީ ބާސެލޯނާއިން މި ސީޒަނުގައި ދައްކާ ކުޅުމަށް ބަލާއިރު ޗެމްޕިއަންސް ލީގުން ކެޓި ނަމަވެސް ޔޫރޮޕާ ލީގަކީ ކާމިޔާބު ކުރެވޭނެ މުބާރާތަކަށް ހަދަންޖެހޭ ކަމަށެވެ.
ސްޕެނިޝް ލީގުގައި 11 ޕޮއިންޓާއެކު ބާސެލޯނާ ތާވަލުގެ ކުރީގައި އޮތް ނަމަވެސް އިނގިރޭސި ލީގުގައި ޔުނައިޓެޑް އޮތީ ތިން ވަނާގަ އެވެ.
