ފުރަތަމަ ލެގުން އޭސީ މިލާން ކުރި ހޯދައިފި
15 ފެބުރުއަރީ 2023 | ބުދަ 02:42ދެވަނަ ޓޮޓެންހަމްގެ ދަނޑުގައި ކުޅޭނީ މާރޗް 8 ގައި
ޑިއާޒް މިލާން މޮޅުކޮށްދިން ލަނޑު ޖެހުމަށްފަހު އުފާފާޅުކުރަނީ
ޗެމްޕިއަންސް ލީގުގެ ގަދަ ސޯޅަ ޓީމް ވާދަކުރާ ބުރުގެ ފުރަތަމަ ލެގުގައި އޭސީ މިލާނުން ޓޮޓެންހަމް އަތުން ކުރި ހޯދއިފިއެވެ.
އޭސީ މިލާނުން ކުއާޓާ ފައިނަލްގެ ފުރުޞަތު ބޮޑުކުރީ އަމިއްލަ ދަނޑުގައި ޓޮޓެންހަމް ބަލިކޮށްގެންނެވެ. މިލާން މެޗު ކާމިޔާބުކުރީ 1-0 ނެވެ. މޮޅުކޮށްދިން ލަނޑު ޖެހީ ހަތްވަނަ މިނެޓުގައި ބްރާހިމް ޑިއާޒްއެވެ. ފުރަތަމަ ފޮނުވާލި ބޯޅަ ކީޕަރު ފޮސްޓާ އަތުގައި ޖެހިފައި ނުކުތް ވަގުތު ޑިއާޒް ވަނީ ދެވަނަ ފުރުޞަތުގައި ގޯލަށް ބޯޅަ ފޮނުވާލާފައެވެ. މެޗުގައި ލީޑް ފުޅާކުރަންވެސް މިލާނަށް ފުރުޞަތު ލިބުނެވެ. އެކަމަކު ސަންސީރޯ ސްޓޭޑިއަމްގައި ކުޅުނު މެޗުގައި ލިބުނު ފުރުޞަތުތަކެއް ބޭނުމެއް ނުކުރެވުނެވެ.
ދެވަނަ ލެގުގައި އިނގިރޭސި ކްލަބް ޓޮޓެންހަމްގެ ދަނޑުގައި ދެޓީމް ވާދަކުރާނީ އަންނަ މާރޗް މަހުގެ އަށްވަނަ ދުވަހުއެވެ.
