ބަޔާނުން ޕީއެސްޖީ ބަލިކޮށްފި
ދެވަނަ ލެގު ކުޅޭނީ މާރޗް 8 ގައި
އެމްބާޕޭ ލަނޑު ޖެހުމަށްފަހު، ވީއޭއާރުން ނިންމީ ގޯލެއް ނޫންކަމަށް
ޔުއެފާ ޗެމްޕިއަންސް ލީގުގެ ދެވަނަ ބުރުގެ ފުރަތަމަ ލެގުގައި ބަޔާން މިއުނިކުން ޕީއެސްޖީ ބަލިކޮށްފިއެވެ.
ފުރަތަމަ ލެގުގައި ބަޔާން މިއުނިކުން ކުރިހޯދީ ޕީއެސްޖީގެ ދަނޑުގައި ކުޅެ, 1-0 ނެވެ. ދެވަނަ ހާފްގައި ބަޔާން މެޗުން މޮޅުކޮށްދިން ލަނޑު ޖެހީ ފްރާންސްގެ ކިންގްސްލީ ކޯމަންއެވެ. މީގެ ދެ އަހަރު ކުރިން ފައިނަލްގައި ޕީއެސްޖީ ބަލިކޮށް, ތަށި ހޯދި މެޗުގައިވެސް ކުރީގެ ޓީމް ކޮޅަށް ލަނޑު ޖެހީ ކޯމަންއެވެ. މެޗުގެ ދެވަނަ ހާފްގައި ކުޅެން ނުކުމެ އެމްބާޕޭ ލަނޑެއްޖެހި ނަމަވެސް ވީއޭއާރުން ނިންމީ ގޯލެއް ނޫންކަމަށެވެ. ރެފްރީ ނިންމުން ބަދަލުކުރީ ކުޅުންތެރިން ވަރަށްބޮޑަށް އުފާފާޅުކުރި ފަހުންނެވެ. އެއީ އެޓޭކަށް ބަދަލުކުރިއިރު އޮފްސައިޑްވެފައިވާތީއެވެ. އެމްބާޕޭ ދެވަނަ ހާފްގައި ނުކުތް ނަމަވެސް މެސީއާ ނޭމާ މެޗުގެ ފުރަތަމަ އެގާރައިގަ ނުކުމެ, މެޗު ފުރިހަމަ ކުރިއެވެ. ބަޔާން އަތުންވީ ބައްޔާއެކު ހުރިހާ މުބާރާތްތަކެއް ހިމެނޭހެން އެންމެ ފަހުން ޕީއެސްޖީ ކުޅުނު ތިން މެޗުންވެސް ބަލިވީއެވެ. ބަޔާންއިން މެޗު ނިންމާލަން ޖެހުނީ ދިހަ ކުޅުންތެރިންނާއެކުއެވެ. އެއީ މެޗުގެ އިތުރު ވަގުތުގައި ޕަވާޑް މެސީއަށް ކުރި ފައުލަކަށް ދެވަނަ ރީނދޫ ކާޑާއެކު ރަތްކާޑެއް ދެއްކުމުންނެވެ.
ކްއާޓާ ފައިނަލްގެ ޖާގައެއް ހޯދަން ބަޔާންގެ ދަނޑުގައި ކުޅޭ ދެވަނަ ލެގުން މޮޅުވުން ޕީއެސްޖީއަށް މިހާރު މަޖުބޫރެވެ. އެެމެޗު ކުޅޭނީ އަންނަ މަހު އަށްވަނަ ދުވަހުއެވެ.
