ބައިބަލާ 2017: ޒެފްރޯލް، ޓީންއޭޖް، ހުޅުމާލެ އަދި އޮއެހާ ސެމީއަށް
ސެމީ އަދި ފައިނަލް މެޗުތައް ކުޅޭނީ އާދީއްތަ ދުވަހު
ބައިބަލާ
ބައިބަލާ އެސޯސިއޭޝަނުން އިންތިޒާމުކޮށްގެން ބާއްވާ 1438 ވަނަ އަހަރުގެ "މޯލްޑިވިއަން ގޭސް ބައިބަލާ" މުބާރާތުގެ ސެމީފައިނަލަށް ކްލަބް ޒެފްރޯލް، ކްލަބް ޓީން އޭޖް، ހުޅުމާލޭ ސްޕޯޓްސް ކްލަބް އަދި އޮއެހާ ސްޕޯޓްސް ކްލަބް ދުތުރުކޮށްފި އެވެ.
ހޮނިހިރު ދުވަހުގެ ރޭ ކުޅުނު ކުއާޓާ ފައިނަލްގެ ފުރަތަމަ މެޗު މަސްއޮޑި ޓައިޓަންސްއާ ވާދަކޮށް ޒެފްރޯލް އިން މެޗު ކާމިޔާބުކުރިއިރު، ދެވަނަ މެޗުގައި ބުރު ޕާކާ ވާދަކޮށް ހުޅުމާލޭ ސްޕޯޓްސް ކްލަބުން ވަނީ މެޗު ކާމިޔާބުކޮށްފައެވެ. ތިންވަނަ މެޗުގައި މަސްއޮޑި ސްޕޯޓްސް ކްލަބާ ވާދަކޮށް ކްލަބް ޓީން އޭޖް މެޗު ކާމިޔާބުކުރިއިރު، ޕަންކް ނެކްސްޓް ލެވެލްއާ ވާދަކޮށް އޮއެހާ ސްޕޯޓްސް ކްލަބް ވަނީ ސެމީއަށް ދަތުރުކޮށްފައެވެ.
އާދީއްތަ ދުވަހުގެ ރޭ ކުޅޭ ސެމީފައިނަލްގެ ފުރަތަމަ މެޗުގައި ކްލަބް ޒެފްރޯލް އިން ކްލަބް ޓީންއޭޖާ ދެކޮޅަށް ނިކުންނައިރު، ދެވަނަ ސެމީގައި ހުޅުމާލޭ ސްޕޯޓްސް ކްލަބް ނިކުންނާނީ އޮއެހާ ސްޕޯޓްސް ކްލަބާ ދެކޮޅަށެވެ.
ސެމީފައިނަލް މެޗުތައް އާދީއްތަ ދުވަހުގެ ރޭ 20:45 ގައި ފަށާއިރު، ފައިނަލް މެޗު ކުޅުމަށް ހަމަޖެހިފައިވަނީ ސެމީފައިނަލްގެ ދެ މެޗު ނިންމާފައި އެއް ގަޑިއިރުގެ ބްރޭކަކަށްފަހު އެވެ.
