ކ. މާލެ
|
9 ފެބްރުއަރީ 2023 | ބުރާސްފަތި 07:56
ތުރުކީގެ އަވަށެއްގައި ވެއްޓިފައިވާ އިމާރާތްތަކުގެ މެދުގައި ފިނިން ސަލާމަތްވުމަށް އަލިފާން ރޯކޮށްގެން ތިބި ބައެއް
ތުރުކީގެ އަވަށެއްގައި ވެއްޓިފައިވާ އިމާރާތްތަކުގެ މެދުގައި ފިނިން ސަލާމަތްވުމަށް އަލިފާން ރޯކޮށްގެން ތިބި ބައެއް
ރޮއިޓާސް
ތުރުކީ-ސީރިއާ ބިންހެލުން
ތުރުކީ-ސީރިއާ ބިންހެލުން: މަރުވި މީހުންގެ އަދަދު 15،000ށް އަރައިފި
 
ސީރިއާއަށް ދެމުން އަންނަ ބައިނަލްއަޤްވާމީ އެހީގެ ޙާލަތު ސާފެއް ނޫން
 
ސީރިއާގައި މަރުވި މީހުންގެ ޖުމްލަ އަދަދަކީ 2،992
 
6 ގަޑި އިރު ތެރޭގައި ތުރުކީން 3000 މީހުން މަރުވި

ހޯމަ ދުވަހު ތުރުކީއާއި ސީރިއާއަށް އައި 7.8 މެގްނިޓިއުޑްގެ ބާރުގަދަ ބިންހެލުމާ ގުޅިގެން މަރުވި މީހުންގެ އަދަދު މަދުވެގެން 15،383 އަށް އަރާފައިވާ ކަމަށް ކަމާބެހޭ ފަރާތްތަކުން ބުނެފިއެވެ.

ތުރުކީގައި މަރުވި މީހުންގެ އަދަދު 3،000 އަށް ވުރެ އިތުރުވެ، ޖުމްލަ މަރުވި މީހުންގެ އަދަދު ވަނީ 12،391 ގައި ކަމަށް ތުރުކީގެ ޑިޒާސްޓާ އެންޑް އިމަޖެންސީ މެނޭޖްމަންޓް އެޖެންސީން ބުރާސްފަތި ދުވަހު ބުނެފައިވެއެވެ.

ސީރިއާގައި މަރުވި މީހުންގެ ޖުމްލަ އަދަދަކީ މަދުވެގެން 2،992 ކަމަށާއި އޭގެ ތެރޭގައި ހުޅަނގު އުތުރުގެ ހަނގުރާމަވެރިންގެ ބާރުގެ ދަށުގައިވާ ސަރަހައްދުތަކުގައި 1،730 މީހުން މަރުވެފައިވާ ކަމަށް "ވައިޓް ހެލްމެޓްސް" ސިވިލް ޑިފެންސް ގްރޫޕުން ބުނެފައިވެއެވެ.

ބިންހެލުމާ ގުޅިގެން ތުރުކީގެ ރައީސް އުރުދުޣާން އަންގާރަ ދުވަހު ވިދާޅުވީ އެމެރިކާ، އިނގިރޭސިވިލާތް، ޔޫއޭއީ، އިސްރާއީލް އަދި ރަޝިޔާ ފަދަ ގައުމުތަކުން ތުރުކީއަށް އެހީތެރިވެދިނުމަށް 70 ގައުމަކާއި 14 ބައިނަލްއަގްވާމީ ޖަމިއްޔާއަކުން ހުށަހަޅާފައިވާ ކަމަށެވެ.

ސީރިއާއަށް ދެމުން އަންނަ ބައިނަލްއަޤްވާމީ އެހީގެ ޙާލަތު ސާފެއް ނޫނެވެ.

ސީރިއާގައި ވެރިކަން ކުރަނީ ތަފާތު އެތައް ޖަމާއަތަކުންނެވެ. ބިންހެލުމުގެ އަސަރު އެންމެ ބޮޑަށް ކުރި ސީރިއާގެ ބައެއް ސަރަހައްދުތައް ކޮންޓްރޯލް ކުރަނީ ރައީސް ބައްޝާރުލް އަސަދުގެ ސަރުކާރުންނެވެ. އަނެއްބައި ސަރަހައްދުތައް ކޮންޓްރޯލް ކުރަނީ ތުރުކީގެ ތާއީދު އަދި އެމެރިކާގެ ތާއީދު އޮންނަ އިދިކޮޅު ބާރުތަކާއި ކުރުދީ ހަނގުރާމަވެރިންނާއި، ސުންނީ ޖަމާއަތުގެ ހަނގުރާމަވެރިންނެވެ. ސީރިއާގެ އެންމެ ފަހުގެ އިދިކޮޅު ބާރުތަކުގެ ތެރޭގައި ހިމެނޭ އިދްލީބް ކޮންޓްރޯލް ކުރަނީ ހަތިޔާރު އެޅި ސުންނީ އިސްލާމިސްޓް ޖަމާއަތެއް ކަމަށްވާ ހަޔާތު ތަހުރީރު އަލް ޝާމް (އެޗްޓީއެސް) އެވެ.

މީގެ ކުރިން ބުދަ ދުވަހު ސީރިއާ ސަރުކާރުން ބުނީ ބިންހެލުމުގައި ގެއްލުން ލިބުނު މީހުންނަށް އެހީގެ ސާމާނުގެ ގޮތުގައި ލިބިފައިވާ ސަތޭކައަށް ވުރެ ގިނަ ހިޔާތައް ސަރުކާރުން ކޮންޓްރޯލްކުރާ ސަރަހައްދުތަކުގައި ގާއިމްކޮށްފައިވާ ކަމަށެވެ. ސީރިއާގައި މިހާތަނަށް ބިންހެލުމުގައި މަރުވި މީހުންގެ އަދަދު އެތައް ގުނައަކަށް އިތުރުވެފައިވާއިރު، 100 އަށް ވުރެ ގިނަ އިމާރާތް ވެއްޓިފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް