ލިވަޕޫލަށް ސަލާމަތެއް ނެތް، އަނެއްކާވެސް ބޮޑު ބައްޔެއް!
މޮޅާއެކު ވުލްވްސް ވަނީ ރެލިގޭޝަނުން މައްޗަށް ޖެހިލާފަ
މެޗުން ބަލިވުމުން ލިވަޕޫލް ކޯޗު ކްލޮޕް އިސްޖެހިފަ
ނަތީޖާތައް ދަށްވެ, ކުރިއަށް ދިއުމަށް އުނދަގޫވެފައިވާ ލިވަޕޫލަށް ވުލްވްސް އަތުންވެސް ސަލާމަތްނުވެވި ބޮޑު ބައްޔަކާއެކު އިތުރަށް މާޔޫސްވެއްޖެއެވެ.
ވުލްވުސްގެ ދަނޑުގައި ކުޅުނު މެޗުން ލިވަޕޫލް ބަލިވީ 3-0 ނެވެ. މެޗު ފަށައިގެން ފަސްވަނަ މިނިޓްގައި މުޅި ޓީމް މާޔޫސްވީ މަޓިޕް އަތުން ބައިކޮޅަށް ވަން ގޯލުންނެވެ. އޭގެ ހަ މިނިޓްފަހުން ޑޯވްސަން ލަނޑެއް ޖަހާ ފަރަގު ބޮޑުކުރުމުން ލިވަޕޫލް މުޅިން އެލުނެވެ. އިތުރަށް ހިތްވަރެއް ނުލެވި އުޅެނިކޮށް ކޮޅަށް ތިންވަނަ ގޯލް ވަނީ 71 ވަނަ މިނިޓްގައެވެ. ތިންވަނަ ގޯލް ޖެހީ ރުބެން ނެވެސްއެވެ. މިއީ 2012 ވަނަ އަހަރުގެ ފަހުން ލީގުގައި އަވޭގައި ވިދިވިދިގެން ތިން މެޗުން ލިވަޕޫލް ބަލިވި ފުރަތަމަ ފަހަރެވެ. މެޗުގެ ފުރަތަމަ ހާފްގައި އިދިކޮޅު ގޯލަށް އަމާޒުކޮށް ލިވަޕޫލަށް ފޮނުވާލެވުނީވެސް އެންމެ ބޯޅައެކެވެ. ނަމަވެސް ދެވަނަ ހާފްގައި ދެތިން ފުރުޞަތެއް ހޯދިއެވެ.
މިމޮޅާއެކު ވުލްވްސް ވަނީ ރެލިގޭޝަނުން ސަލާމަތްވެ ތާވަލްގެ 15 ވަނައަށް ޖެހިލާފައެވެ. ލިވަޕޫލް އޮތީ ގަދަ ހަތަރެއް އަތުވާ ވަރަށްވުރެ ދުރުގައި 29 ޕޮއިންޓާއެކު 10 ވަނައިގައެވެ. ހަތަރުވަނައިގައި ނިއުކާސަލް އޮތީ 39 ޕޮއިންޓާއެކުއެވެ.
