ޖެނުއަރީ ފަހު ހަފްތާ ރާއްޖެއިން ކޮވިޑަށް ޕޮޒިޓިވްވީ 2 މީހުން
ޖެނުއަރީ މަހު ކޮވިޑް ޖެހިފައިވަނީ 22 މީހުންނަށް
ކޮވިޑަށް ޓެސްޓުކުރަނީ
ފާއިތުވި ހަފްތާ ރާއްޖެއިން ކޮވިޑް-19ށް ޕޮޒިޓިވްވީ 2 މީހުންކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ހާމަކޮށްފިއެވެ.
އެޗްޕީއޭއިން އާންމުކޮށްފައިވާ ތަފާސްހިސާބުތަކަށް ބަލާއިރު ކޮވިޑަށް ޕޮޒިޓިވްވި 2 މީހުންވެސް ޕޮޒިޓިވްވެފައިވަނީ މާލެ ސަރަހައްދުންނެވެ. ޖެނުއަރީ 22ން ޖެނުއަރީ 28ށް އެކަކަށް ވަނީ ކޮވިޑް ޖެހިގެން ހޮސްޕިޓަލްގައި އެޑްމިޓްކޮށްގެން ފަރުވާދީފައެވެ.
އޭގެކުރީ ހަފްތާގައި ރާއްޖެއިން ކޮވިޑަށް ޕޮޒިޓިވްވެފައިވަނީ 5 މީހުންނެވެ. އެއީ މާލެ ސަރަހައްދުން 3 މީހުންނާއި އަތޮޅުތަކުން އެކަކު އަދި އެހެނިހެން ހިސާބުތަކުން އެކަކެވެ. ޖެނުއަރީ 8ން 14ށް ރާއްޖެއިން ކޮވިޑަށް ޕޮޒިޓިވްވެފައިވަނީ 6 މީހުންނެވެ. ޖެނުއަރީ ފުރަތަމަ ހަފްތާ މިއަދަދު ހުރީ 9 ގައެވެ.
ޖެނުއަރީ 28ގެ ނިޔަލަށް ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދަކީ 185،715އެވެ. މިބަލީގައި 311 މީހުން ވަނީ ނިޔާވެފައެވެ.
މިދިޔަ އަހަރު ނިމުނުއިރު ރާއްޖެއިން ކޮވިޑް ޖެހިފައިވަނީ 185،693 މީހުންނަށެވެ. އަދި ނިޔާވެފައިވަނީ 311 މީހުންނެވެ. މިމަސްތެރޭގައި ކޮވިޑް ޖެހިފައިވަނީ 22 މީހުންނަށެވެ.
