މާލޭ ދެކުނުފަރާތުގައި އަލަށް ކެނޑި ނެރަށް އަނެއްކާ ވެސް ދޯންޏެއް އަރައި އެ ދޯނި އަޑިއަށް ހިނގައްޖެއެވެ.

ރާއްޖެއެމްވީއަށް މައުލޫމާތު ލިބިފައިވާ ގޮތުގައި ނެރަށް އަރާފައިވަނީ، "ސައުތު 5" ނަމަކަށް ކިޔާ 50 ފޫޓް ދިގުމިނުގެ ދޯންޏެކެވެ.

އެމްއެންޑީއެފުން ބުނީ،  މާލޭ ދެކުނު ފަރާތުން އަލަށް ކެނޑި ނެރުމައްޗަށް ދޯންޏެއް އަރައިގެން އެމްއެންޑީއެފުން ހަރަކާތްތެރިވާން ފަށާފައިވާކަމަށެވެ. ދޯނީގެ ކޮޔޮޅު ބުނެފައިވަނީ ދޯނި ފަރަށް އެރީ ހުކުރުދުވަހުގެރޭ 9.00 ހާއިރުކަމަށެވެ.

ދޯނި އަޑިއަށް ދިޔަ އިރު އޭގައި 7 މީހުން ތިބިކަމަށް ވަނީ މައުލޫމާތުލިބިފައެވެ. ނަމަވެސް އެއްވެސް މީހަކަށް ގެއްލުމެއް ނުލިބެ އެވެ. 

އެ ދޯންޏަކީ މަހަށް ގޮސް އެނބުރި އައި ދޯންޏެކެވެ. 

އެ ދޯނިން ދަތުރުކުރި މީހަކު ބުނި ގޮތުގައި، ދޯނި ނެރަށް އުރުނީ، އެ ސަރަހައްދަށް މޫދަށް އެރިއިރުނު ބައެއްގެ ގައިން ނެއްޓުމަށް އުޅެނިކޮށެވެ. 

މި ހަފުތާތެރޭގައި ވެސް އެ ނެރަށް  ދެ ދޯންޏެއް އަރާފައިވެ އެވެ. ނަމަވެސް ރާޅާއިއެކު އެ ދޯނި ފުންވި އެވެ.