ރޮނަލްޑޯއާއެކު ސައުދީ ސުޕަރ ކަޕުން އަލް ނަސްރު ކަޓައިފި
އަލް ނަސްރު ބަލިވީ 3-1 ން
އަލް އިއްތިހާދުން ލަނޑުޖެހުމުން ރޮނަލްޑޯ މާޔޫސްވެފައި
ކްރިސްޓިއާނޯ ރޮނަލްޑޯއާއެކު ސައުދީ ސުޕަރ ކަޕް ސެމީފައިނަލުން އަލް ނަސްރު ކަޓައިފިއެވެ.
ރޮނަލްޑޯގެ ކެޕްޓަންކަމުގެ ދަށުން ކުޅެމުން އަންނަ އަލް ނަސްރު ބަލިކޮށް ފައިނަލަށް ދަތުރުކުރީ އަލް އިއްތިހާދެވެ. އެއީ ސެމީފައިނަލްގައި 3-1 ން ކުރި ހޯދައިގެންނެވެ. ރިޔާދުގެ ކިންގް ފަހުދު އިންޓަރ ނޭޝަނަލް ސްޓޭޑިއަމްގައި ކުޅުނު މެޗުގައި އަލް އިއްތިހާދުން ފުރަތަމަ ލަނޑުޖަހާ ކުރިހޯދީ ރޮމާރީނިއޯއެވެ. ފުރަތަމަ ހާފް ނިމުމުގެ ކުރިން ދެވަނަ ގޯލެއް ޖަހާ ލީޑް ފުޅާކޮށްދިނީ މޮރޮކޯ ޤައުމީ ޓީމްގެ ފޯވަޑް އަބުދުއްރައްޒާގު ހަމަދުالله އެވެ. ދެވަނަ ހާފް ފަށައިގެން އަލް ނަސްރުގެ ބްރެޒިލް މިޑްފީލްޑަރ ޓަލިސްކާ ލަނޑެއް ޖަހާ ފަރަގު ކުޑަކޮށް އުއްމީދެއް ހޯދިއެވެ. އެކަމަކު ތިންވަނަ ލަނޑެއް ޖަހާ އެއްމީދުތަކަށް ހުރަސްއަޅާ މުޙައްމަދު އަލް ސަންގީތީ އަލް އިއްތިހާދަށް ފައިނަލް ޔަޤީންކޮށްދިނެވެ.
ފަސްފަހަރު ބެލަންޑިއޯ އެވޯޑް ހޯދި ރޮނަލްޑީ އަލް ނަސްރަށް ބަދަލުވެ އެޓީމަށް ކުޅުނު ފުރަތަމަ ދެ މެޗުގައިވެސް ގޯލެއް ނުޖެހެއެވެ. ރޭގެ މެޗުގައިވެސް ލަނޑު ޖަހަން ފުރުޞަތު ލިބުނެވެ.
