ރައީސް ތަކުރާރުކޮށް ވިދާޅުވީ އިންތިޚާބު ކާމިޔާބުކުރެއްވޭނެ ކަމަށް
20 ޖެނުއަރީ 2023 | ހުކުރު 01:56ރައްޔިތުން ބޭނުންވަނީ މި ސަރުކާރުން ގެންނަ ތަރައްގީއާއެކު ކުރިއަށްދާން
ރައީސް ކެމްޕޭނަށް ލ. އަތޮޅަށް ވަޑައިގެންނެވުން
ކުރިއަށްެއޮތް އެމްޑިޕީ ރިޔާސީ ޕްރައިމަރީ ބޮޑުތަނުން ކާމިޔާބުކުރެވޭނެކަމުގެ ޔަގީންކަން އެބައޮތް ކަމަށް ރައީސް އިބްރާހީމް މުހައްމަދު ސާލިހު ވިދާޅުވެއްޖެއެވެ.
ރައީސް މިފަދައިން ވިދާޅުވީ އެމްޑީޕީ ޕްރައިމަރީ ކެމްޕޭންގައި ބުރާސްފަތި ދުވަހުގެރޭ ލ. އަތޮޅަށް ވަޑައިގެން ވާހަކަފުޅުދައްކަވަމުންނެވެ. ރައީސް ލ. އަތޮޅަށް ވަޑައިގެންނެވީ ހއ. ހދ. އަދޮ ށ. އަތޮޅަށް ވަޑައިގެންނެވުމަށްފަހުގައެވެ.
އެމަނިކުފާނު ވިދާޅުވީ މިހާތަނަށް ވަޑައިގެންނެވި ކޮންމެ ރަށެއްގެ ރައްޔިތުންވެސް ބޭނުންވަނީ ރާއްޖޭގެ ތަރައްގީއަށް މި ސަރުކާރުން ކުރާ މަސައްކަރުގައި އެމްޑީޕީއާއެކު ކުރިއަށްދާކަން ކަމަށެވެ. މި ސަރުކާރު ދެމެހެއްޓޭ ކަމަށްވާނަމަ ރާއްޖޭގެ ރައްޔިތުންނަށް ބޭނުންވާ ތަރައްގީ ގެނެސްދޭނެ ކަމުގެ ޔަގީންކަން ރަށްރަށުގެ ރައްޔިތުންނަށް އެބައޮތް ކަމަށާއިި، ވަޑައިގެންނެވި ކޮންމެ ރަށަކުންވެސް ފެންނަނީ ބޮޑުތަކުން މި އިންތިޚާބު ކާމިޔާބުކުރެވޭނެ މަންޒަރު ކަމުގައި ރައީސް ވިދާޅުވިއެވެ.
ރައީސް ވަނީ މި އިންތިޚާބު ކާމިޔާބުކުރުމަކީ ހަމައެކަނި އެމްޑީޕީއަށް ކުރެވޭނެ ކަމެއް ނޫން ކަމަށް ވިދާޅުވެފައެވެ. މި އިންތިޚާބު ކާމިޔާބުކުރުމަށް އެހެން ފަރާތްތަކުގެ އެހީތެރިކަންވެސް ބޭނުންވެވަޑައިގަންނަވާ ކަމަށާއި، އެމަނިކުފާނު ނުކުމެވަޑައިގެން އެ ހުންނެވީ އެމްޑީޕީ މަގުމަތިވާން ބޭނުންވެވަޑައިނުގަންނަވާތީ ކަމަށް ރައީސް ވިދާޅުވިއެވެ.
