ހަނިމާދޫ އިންޓަރނޭޝަނަލް އެއާޕޯޓަކީ "ކަޅުއޮށްފުންމީގައި" ކުރި މަސައްކަތް ފަދަ ކަމެއް - ފައްޔާޒް
ސަރުކާރުން ޓެކްސް އާއި ލޯނު ނަގަނީ ތަރައްގީ އާއި ކުރިއެރުމުގެ މަސައްކަތްތަކަށްޓަކައި
އިކޮނޮމިކް މިނިސްޓަރު ފައްޔާޒް އިސްމާއިލް
ހަނިމާދޫގެ އިންޓަރނޭޝަނަލް އެއާޕޯޓަކީ "ކަޅުއޮށްފުންމީގައި" ކުރި މަސައްކަތް ފަދަ ކަމެއް ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެއްޖެއެވެ.
ހަނިމާދޫ އިންޓަރނޭޝަނަލް އެއާޕޯޓުގެ މަސައްކަތް ފެށުމުގެ ރަސްމިއްޔާތުގައި ވާހަކަދައްކަވަމުން ފައްޔާޒް ވިދާޅުވީ މީގެ 400 އެއްހާ އަހަރުކުރިން ކަޅުއޮށްފުންމީގައި ރާއްޖެ މިނިވަންކުރުމުގެ މަސައްކަތް ކުރީ ބޮަޑުތިލަދުންމަތީގައި ކަމަށެވެ. އަދި ހަނިމާދޫ އެއާޕޯޓްގެ މަސައްކަތަކީ އެފަހުން ކުރެވޭ އެންމެ މުހިންމު އެއް މަސައްކަތް ކަމަށެވެ.
ފައްޔާޒް ވިދާޅުވީ އެ އެއާޕޯޓުގެ މަސައްކަތަކީ ބޮޑުތިލަދުންމަތިީގެ ރައްޔިތުން 32 އަހަރު ވަންދެން ދެކެމުން އައި ހުވަފެނެއް ކަމަށާއި 10 އަހަރު ވަންދެން ހަމައެކަނި ނަންބޯޑު ބަދަަލުކޮށްފައި ހުރި ކަމަށެވެ.
ފައްޔާޒް ވިދާޅުވީ ހުޅުލެ އާއި މާލެއަކީ ވެސް ހަނިމާދޫ ފަދައިން ދިގުކޮށް އޮތް ރަށެއް ކަމަށެވެ. ވިސްނުންތަކެއް ވިސްނައިގެން ކަންކަންކޮށްފިނަމަ އެއާޕޯޓްގެ ފައިދާ ލިބޭނެ ކަން ވީއައިއޭ އިން ފެންނަން އޮތް ކަމަށް ވެސް އޭނާ ވިދާޅުވިއެވެ.
ފައްޔާޒް އިތުރަށް ވިދާޅުވީ ސަރުކާރުން ޓެކްސް އާއި ލޯނު ނަގަނީ ތަރައްގީ އާއި ކުރިއެރުމުގެ މަސައްކަތްތަކަށްޓަކައި ކަމަށެވެ. އަދި ރާއްޖެ ކުރިއަރުވަން އަދިވެސް ލޯނު ނަގާނެކަމަށް ފައްޔާޒް ވިދާޅުވިއެވެ. މީގެއިތުރުން ރާއްޖެ ބަނގުރޫޓުވާ ކަމަށް ބުނެ އިދިކޮޅުން ދައްކަނީ ދޮގު ވާހަކަތައް ކަމަށް ވެސް ފައްޔާޒް ވަނީ ވިދާޅުވެފައެވެ.
