ކ. މާލެ
|
16 ޖެނުއަރީ 2023 | ހޯމަ 07:37
މެޗުގައި ލަނޑު ޖެހުމަށްފަހު ހަވާޓޭޒް އުފާ ފާޅުކުރަނީ
މެޗުގައި ލަނޑު ޖެހުމަށްފަހު ހަވާޓޭޒް އުފާ ފާޅުކުރަނީ
ރޮއިޓާސް
ޕްރިމިއާ ލީގު
ހަވާޓޭޒްގެ ލަނޑުން ޗެލްސީން ކްރިސްޓަލް ޕެލެސް ބަލިކޮށްފި
 
އާދިއްތަ ދުވަހުގެ ރޭ ޗެލްސީގެ އަމިއްލަ ދަނޑުގައި ކުޅުނު މެޗުން އެ ޓީމު މޮޅުވީ 1-0 އިން

އިނގިރޭސި ޕްރިމިއާ ލީގުގައި ކްރިސްޓަލް ޕެލެސްއާ ދެކޮޅަށް ކުޅުނު މެޗުން ޗެލްސީ މޮޅުވެއްޖެ އެވެ.

އާދިއްތަ ދުވަހުގެ ރޭ ޗެލްސީގެ އަމިއްލަ ދަނޑުގައި ކުޅުނު މެޗުން އެ ޓީމު މޮޅުވީ 1-0 އިންނެވެ. މި މެޗަށް ޗެލްސީން ކުރިމަތިލީ އެންމެ ފަހުން ލީގުގައި ފުލަމް އަތުން ބަލިވުމުގެ ނުތަނަވަސްކަމާއެކު އެވެ. މި ސީޒަންގައި ޗެލްސީގެ ފަރާތުން ދަށް ކުޅުމެއް ފެންނަމުން އަންނައިރު، އެ ޓީމު ވަނީ މެންޗެސްޓަރ ސިޓީ އަތުން ބަލިވެ އެފްއޭ ކަޕުން ވެސް ކަޓައިފަ އެވެ.

ޗެލްސީން މެޗުގައި ލަނޑު ޖެހުމަށް ކުރި މަސައްކަތް އެ ޓީމަށް ކާމިޔާބު ކުރެވުނީ މެޗުގެ ދެ ވަނަ ހާފުގަ އެވެ. ދެ ވަނަ ހާފުގެ 64 ވަނަ މިނެޓުގައި ޗެލްސީ މޮޅުކޮށްދިން ލަނޑު ޖެހީ ޖަރުމަނުގެ ފޯވާޑް ކައި ހަވާޓޭޒް އެވެ. އޭނާ މި ލަނޑު ޖެހީ ހަކީމް ޒިޔެޗް ތަނަވަސްކޮށްދިން ފުރުސަތެއްގަ އެވެ.

މެޗުން މޮޅުވެ ޗެލްސީ ވަނީ ލިވަޕޫލާ ޕޮއިންޓުގެ ގޮތުން ހަމަކޮށްފަ އެވެ. ކުޅުނު 19 މެޗުން ޗެލްސީ އަށް ލިބެނީ 28 ޕޮއިންޓެވެ. ޗެލްސީ އަށް ވުރެ އެއް މެޗު މަދުން ކުޅެގެން ލިވަޕޫލަށް ވެސް ލިބެނީ 28 ޕޮއިންޓެވެ. ނަމަވެސް ފައިދާ ގޯލުން ލިވަޕޫލް އޮތީ ކުރީގަ އެވެ. ލީގުގައި ޗެލްސީ އަށް ދެން އޮތީ ލިވަޕޫލާ ދެކޮޅަށް ކުޅޭ މެެޗެވެ. އެ މެޗު އޮންނާނީ މި މަހުގެ 21 ވަނަ ދުވަހު އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް