ބޭބެއަށް ހަމަލާދީގެން ހައްޔަރު ކުރި އަންހެން މީހާ ދޫކޮށްލައިފި
6 ޖެނުއަރީ 2023 | ހުކުރު 04:22އެ މައްސަލައިގައި ހައްޔަރުކުރީ މާލެ، ހ. އަލަވަލުގެ، އުރުމުން 25 އަހަރުގެ ލަމްހާ ނަސީރު
ކްރިމިނަލް ކޯޓް
މާލޭ ގެއެއްގެ ތެރޭގައި އާއިލީ ހަމަނުޖެހުމެއްގެ ތެރެއިން ތޫނު އެއްޗެއް ބޭނުންކޮށްގެން ބޭބެއަށް ހަމަލާދިން މައްސަލައިގައި ހައްޔަރުކުރި އަންހެންމީހާ ދޫކޮށްލައިފިއެވެ.
އެ މައްސަލައިގައި ހައްޔަރުކުރީ މާލެ، ހ. އަލަވަލުގެ، އުރުމުން 25 އަހަރުގެ ލަމްހާ ނަސީރުއެވެ. އޭނާހައްޔަރު ކުރީ މިދިޔަ ޑިސެމްބަރު މަހުގެ 21 ވަނަ ދުވަހުއެވެ. ފުލުހުން އޭނާއަށް ކުރީ ތޫނު ހަތިޔާރު ބޭނުންކޮށްގެން މާރާމާރީ ހިންގުމުގެ ކުށުގެ ތުހުމަތެވެ.
މައުލޫމާތު ލިބިފައިވާ ގޮތުގައި ލަމްހާ ވަނީ ތޫނު އެއްޗެއް ބޭނުންކޮށްގެން އޭނާގެ ބޭބެގެ ބޯ ފަޅާލައިފައެވެ. މި ހާދިސާގައި އަނިޔާވެފައިވަނީ އުމުރުން 37 އަހަރުގެ ދިވެހި ފިރިހެނަކަށެވެ.
މިދިޔަ ޑިސެމްބަރު މަހުގެ 22 ވަނަ ދުވަހު ފުލުހުން ލަމްހާގެ ބަންދާ މެދު ގޮތެއް ނިންމަން ކްރިމިނަލް ކޯޓަށް ހާޒިރުކުރުމުން، އެ ކޯޓުން ވަނީ އޭނާގެ ބަންދަށް 15 ދުވަސް ޖަހައިފައެވެ. ނަމަަވެސް ފުލުހުން ބުނެފައިވާ ގޮތުގައި މިހާރު ލަމްހާ ވަނީ ދޫކޮށްލާފައެވެ. އެއީ، އޭނާ އިތުރަށް ބަންދުގައި ބަހައްޓަން ނުފެންނާތީއެވެ.
ލަމްހާ ބަންދުކުރަން ކްރިމިނަލް ކޯޓުން ކުރި އަމުރުގައިވާ ގޮތުން ފުލުހުން އޭނާ ހައްޔަރުކުރުމަށްފަހު ހެދި މަސްތުވާތަކެތީގެ ޓެސްޓުގައި އޭނާ ވަނީ މަސްތުވާތަކެއްޗަށް ޕޮޒިޓިވްވެފައެވެ. ލަމްހާ ޕޮޒިޓިވްވެފައިވަނީ މަސްތުވާތަކެތީގެ ކޮން ބާތަކަށްކަން ކޯޓު އަމުރުގައި ބަޔާނެއް ނުކުރެއެވެ.
