ހުޅުމާލޭގައި ޕާކުކޮށްފައި އޮތް ޕޮލިސް ކާރެއްގައި ރޯކޮށްލައިފި
3 ޖެނުއަރީ 2023 | އަންގާރަ 02:18ފުލުހުން ދަނީ މި މައްސަލައާ ގުޅިގެން އިތުރަށް ބަލަން ޖެހޭ ކަންކަން ބަލަމުން
އިދުހާމް ނަޢީމް | 3 ޖެނުއަރީ 2023 | އަންގާރަ 02:18
ކްރައިމް ސީނެއްކަން އަންގައިދޭ ޓޭޕް ދަމާފައި
ހުޅުމާލޭގައި ޕާކުކޮށްފައި އޮތް މޯލްޑިވްސް ޕޮލިސް ސަރވިސްގެ ކާރެއްގައި ރޯކޮށްލައިފިއެވެ.
ފުލުހުން ބުނެފައިވާ ގޮތުގައި ހޯމަ ދުވަހުގެ ރޭ ރޯކޮށްލާފައިވަނީ އެޗްޑީސީ ބިލްޑިންގު ސަރަހައްދުގައި ޕާކުކޮށްފައި އޮތް ކާރެއްގައެވެ.
ފުލުހުންގެ މީޑިއާއިން ބުނީ ޕާކިން އޭރިޔާގައި ޕާކުކޮށްފައި އޮތް ކާރުގައި ރޯކޮށްލި ކަމުގެ ރިޕޯޓެއް ހޯމަ ދުވަހުގެ ރޭ 7:40 ހާއިރު ލިބިފައިވާ ކަމަށެވެ. ނަމަވެސް، ގިނަ އިރުތަކެއްނުވެ އަލިފާންގަނޑު ނިއްވާލާފައި ކަމަށެވެ.
ފުލުހުން ދަނީ މި މައްސަލައާ ގުޅިގެން އިތުރަށް ބަލަން ޖެހޭ ކަންކަން ބަލަމުންނެވެ.
