މ. ކޮޅުފުށީ ސިއްހީ މަރުކަޒަށް އިތުރުކުރާ އިމާރާތުގެ މަސައްކަތް ކޮންޓްރެކްޓަރާ ހަވާލުކޮށްފިއެވެ.

ހެލްތު މިނިސްޓްރީން މިމަސައްކަތް ހަވާލުކޮށްފައިވަނީ ހެއިޓްސް ޕްރައިވެޓް ލިމިޓެޑާއެވެ. މި މަސައްކަތް އެ ކުންފުންޏާ ހަވާލުކޮށްފައިވަނީ 4.8 މިލިއަން ރުފިޔާއަށެވެ. އެއީ 150 ދުވަސްތެރޭގައި މަސައްކަތް ނިންމާގޮތަށެވެ.

ރަށްރަށުގެ ސިއްހީ މަރުކަޒުތައް މަރާމާތުކުރުމާއި، މަރުކަޒުތަކަށް ޖާގަ އިތުރުކުރުމުގެ ގިނަ މަސައްކަތްތަކެއް މިސަރުކާރުން އަންނަނީ ކުރަމުންނެވެ. މި ހިނގާ 2022 ވަނަ އަހަރު، 60 ރަށެއްގެ ސިއްހީ މަރުކަޒު ޒަމާނީ ފެންވަރަށް ގެނައުމަށް އެކި މަޝްރޫއުތައް ހިންގާފައިވެއެވެ. އަންނަ އަހަރު 132 ރަށެއްގެ ސިއްހީ ޚިދުމަތް ދޭ މަރުކަޒުތައް އަޕްގްރޭޑްކުރުމަށް ބަޖެޓްގައި ހިމަނާފައިވެއެވެ.