އެއްބައިވަންތަކަމުގެ ދުވަސް ފާހަގަކުރުމުގެ ރަސްމިއްޔާތަށް ރައީސް ކޮޅުފުއްޓަށް ވަޑައިގަންނަވަނީ
މިއަހަރު މިދުވަސް ރަސްމީކޮށް ފާހަގަކުރަނީ މ. ކޮޅުފުށީގައި
ރައީސް ހުވަދުއަތޮޅަށް ފުރާވަޑައިގެންނެވުން
މިއަހަރުގެ އެއްބައިވަންތަކަމުގެ ދުވަސް ފާހަގަކުރުމަށް މ. ކޮޅުފުށީގައި ބާއްވާ ޖަލްސާގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު އެރަށަށް ވަޑައިގަންނަވާނެއެވެ.
ގައުމީ އެއްބައިވަންތަކަމުގެ ދުވަހުގެގޮތުގައި ފާހަގަކުރަމުން އަންނަނީ ޑިސެމްބަރު މަހުގެ 26 ވަނަ ދުވަހެވެ. މިދުވަހަކީ 2004 ވަނަ އަހަރުގެ ޑިސެމްބަރ 26 ވަނަ ދުވަހު ރާއްޖެއަށް ކުރިމަތިވި ސުނާމީ ކާރިސާގައި ދިވެހިން ދެއްކި އެއްބައިވަންތަކަމާއި އެކުވެރިކަމުގެ ހަނދާން އައުކުރުމަށް ފާހަގަކުރަމުން އަންނަ ދުވަހެކެވެ. މިއަހަރު މިދުވަސް ރަސްމީކޮށް ފާހަގަކުރަނީ މ. ކޮޅުފުށީގައެވެ.
ޑިސެމްބަރ 26ގައި ރައީސް ކޮޅުފުއްޓަށް ވަޑައިގެންނެވުމަށް ހަމަޖެހިފައިވާއިރު، ރައީސް މިހާރުވެސް ގެންދަވަނީ ގއ އަތޮޅުގެ ތިން ރަށެއްގައި ސަރުކާރުން ކުރިއަށްގެންގޮސްފައިވާ ބައެއް އުމްރާނީ މަޝްރޫއުތައް ނިމިފައިވުމުން، ޚިދުމަތްތައް ރަސްމީގޮތުން އިފްތިތާހުކޮށްދެއްވުމަށް އެރަށްރަށަށް ދަތުރުކުރައްވަމުންނެވެ. މި ދަތުރުފުޅުގެ ތެރެއިން އެ ރަށްރަށުގެ ރައްޔިތުންނާއި، ކައުންސިލްތަކާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާ ރައީސުލްޖުމްހޫރިއްޔާ ބައްދަލުކުރައްވައި މަޝްވަރާކުރައްވާނެއެވެ.
ރައީސްގެ މިދަތުރުފުޅު ނިންމަވާލެއްވުމަށްފަހު މާލެ ވަޑައިގަންނަވާނީ ހޮނިހިރު ދުވަހުގެ ރެއެވެ.
