ޕިކްނިކް އައިލެންޑް "ކުޑަގިރި"އަށް މުވައްޒަފުން ހޯދަނީ
17 ދާއިރާއަކުން މުވައްޒަފުން ނެގުމަށް ވަނީ ހަމަޖެހިފައި
ކުޑަގިރި ޕިކްނިކް އައިލެންޑް
މާލެ ސަރަހައްދުގައި ދިރިއުޅޭ ރައްޔިތުން ޕިކްނިކް ދާ ރަށެއްގެ ގޮތުގައި، ފަޅު ހިއްކައިގެން ތަރައްގީކުރި ކ. ކުޑަގިރިއަށް މުވައްޒަފުން ހޯދަން އެޗްޑީސީން އިއުލާންކޮށްފިއެވެ.
އެޗްޑީސީން ބުނީ، އެކި ވަޒީފާތަކަށް މީހުން ނެގުމަށް ބާއްވާ "އޯޕަން ޑޭ" ހޮނިހިރު ދުވަހުގެ ހެނދުނު 9:00ން މެންދުރު ފަހު 3:00ށް އެޗްޑީސީގެ ހެޑް އޮފީހުގައި އޮންނާނެކަމަށެވެ.
މި މަގާމުތަކަށް ޝައުގުވެރިވާ ފަރާތްތަކުން، އައިޑީކާޑުގެ ކޮޕީއާއި ތައުލީމީ ފެންވަރާއި، މަސައްކަތު ތަޖުރިބާ އަންގައިދޭ ލިޔެކިއުންތައް ހިފައިގެން އޯޕަން ޑޭއަށް އައުމުން ވަޒީފާތަކަށް ކުރިމަތިލެވޭނެކަމަށް އެޗްޑީސީން ބުނެއެވެ.
ކުޑަގިރިއަށް 17 ދާއިރާއަކުން މުވައްޒަފުން ނެގުމަށް ވަނީ ހަމަޖެހިފައެވެ. އޭގެތެރޭގައި، އެގްޒެކެޓިވް ސެކްރެޓަރީ، އެކައުންޓެންޓް، ރޫމް އެޓެންޑެންޓް، ސޭލްސް އެންޑް ރިޒަރވޭޝަން ކޯޑިނޭޓަރު، ރިސެޕްޝަނިސްޓް، ޓެނެންޓް މެނޭޖްމަންޓް ކޯޑިނޭޓަރު، މާކެޓިން އެންޑް ޕީއާރް ކޯޑިނޭޓަރު، އަދި މަސައްކަތު މީހުން ހިމެނެއެވެ.
މި މަގާމުތަކުގެ މުސާރަ އުޅެނީ 8،500 ރުފިޔާއިން ފެށިގެން 23،500 ރުފިޔާއާ ދެމެދުގައެވެ.
މާލެ އަތޮޅު ކުޑަގިރި ހިއްކައި އެ ފަޅުގައި ޕިކްނިކް އައިލެންޑް ތަރައްގީކުރުމުގެ މަޝްރޫއު ޕްލޭނިންގ މިނިސްޓްރީން އެމްޓސީސީއާ ހަވާލުކުރީ މިދިޔަ އަހަރުއެވެ. މާލެ ސަރަހައްދުގައި ދިރިއުޅޭ މީހުން ދަތުރު ދިއުމަށް ޕިކްނިކް އައިލެންޑެއް ހެދުމަކީ ރައީސް އިބްރާހީމް މުހައްމަދު ސޯލިހްގެ ރިޔާސީ ވައުދުފުޅެކެވެ.
