ރާއްޖެ
ކޮވިޑް-19 ރާއްޖޭގެ ހާލަތު
ފާއިތުވި ހަފުތާގައި ކޮވިޑް ޖެހުނީ 19 މީހުންނަށް
މާލެ ސަރަހައްދުން ކޮވިޑަށް ޕޮޒިޓިވްވީ 9 މީހުން
އާއިޝަތު ޝިއުރާ, ރާއްޖެ އެމްވީ | 13 ޑިސެމްބަރު 2022 | އަންގާރަ 06:51
ކޮވިޑަށް ޓެސްޓުކުރުން
ފާއިތުވި ހަފުތާ ކޮވިޑް-19 ޖެހުނީ 19 މީހުންނަށް ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ހާމަކޮށްފިއެވެ.
އެޗްޕީއޭއިން އާންމު ކޮށްފައިވާ ތަފާސްހިސާބުތަކަށް ބަލާއިރު ޑިސެމްބަރު 4ން 10ށް މާލެ ސަރަހައްދުން ކޮވިޑަށް ޕޮޒިޓިވްވީ 9 މީހުންނެވެ. އަތޮޅުތަކުން 3 މީހުން ޕޮޒިޓިވްވެފައިވާއިރު އެހެނިހެން ހިސާބުތަކުން 7 މީހުން ޕޮޒިޓިވްވެފައިވެއެވެ. މިމުއްދަތުގައި 6 މީހަކަށް ވަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދީފައެވެ.
އޭގެކުރީ ހަފްތާ ކޮވިޑް ޖެހިގެން ރިޕޯޓްކޮށްފައިވަނީ 14 މީހުންނަށެވެ.
މިއާއެކު ރާއްޖޭގައި ކޮވިޑް ޖެހުނު މީހުންގެ އަދަދު ވަނީ 185،651ށް އަރާފައެވެ. އަދި 311 މީހަކު ވަނީ މިބަލީގައި ނިޔާވެފައެވެ.
