ކ. މާލެ
|
4 މާރޗް 2017 | ހޮނިހިރު 16:53
ރާއްޖޭގެ ސީނިއާ ފިރިހެން ވޮލީ ޓީމު
ރާއްޖޭގެ ސީނިއާ ފިރިހެން ވޮލީ ޓީމު
ރާއްޖެއެމްވީ
ވޮލީބޯލް
ސެންޓްރަލް ޒޯން ވޮލީ މުބާރާތުގައި ރާއްޖެއާއެކު އިތުރު ތިން ގައުމު
 
މުބާރާތުގެ ކުރިން ތައިލެންޑުގައި ޓީމު ކޭމްޕް ކުރާނެ
 
މުބާރާތަށް ތައްޔާރުވާން ޓީމުގެ ފަރިތަކުރުންތައް ވަނީ ފަށާފައި

މި މަހު ރާއްޖޭގައި ފެށުމަށް ހަމަޖެހިފައިވާ އޭޝިއަން ސެންޓަރަލް ޒޯން ސީނިއާ މެއިން ޗެމްޕިއަންޝިޕްގައި ބައިވެރިވެފައި ވަނީ ހަތަރު ގައުމަކުން ކަމަށް ވޮލީބޯޅަ އެސޯސިއޭޝަން އޮފް މޯލްޑިވްސްއިން ބުނެފި އެވެ.

މި މުބާރާތުގައި ރާއްޖޭގެ އިތުރުން ދެން ވާދަކުރާނީ ތުރްކްމިނިސްތާން، ކިރްގިސްތާން އަދި ނޭޕާލެވެ.

ނޫސްވެރިންނަށް މައުލޫމާތު ދެއްވަމުން ވޮލީބޯޅަ އެސޯސިއޭޝަން އޮފް މޯލްޑިވްސްގެ ރައީސް މުޙައްމަދު ލަތީފް ވިދާޅުވީ ހަތަރު ޓީމާ އެކު މިފަހަރުގެ މުބާރާތް ވަރަށް ކާމިޔާބުކަމާ އެކު ނިންމާލެވޭނެކަމުގެ ފުރިހަމަ ޔަގީންކަން އެބައޮތް ކަމަށާއި، ޓީމްތައް މި މަހުގެ 20 ވަނަ ދުވަހު ރާއްޖެ އަންނާނެ ކަމަށެވެ.

ގައުމީ ޓީމް މުބާރާތަށް ތައްޔާރުވުމަށް މެޗުތަކެއް ކުޅުމަށް ތައިލެންޑުގައި މުބާރާތުގެ ކުރިން ކޭމްޕް ކުރާނެކަން ފާހަގަ ކުރައްވަމުން ލަތީފް ވިދާޅުވީ ދިވެހިން ބޭނުންވާ ވަރުގެ ކާމިޔާބީއެއް ލިބޭނެކަމުގެ އުއްމީދު ބޮޑު ކަމަށެވެ.

އޭވީސީ ސެންޓްރަލް ޒޯން މެންސް ކޮލިފައިންގެ ފުރަތަމަ މުބާރާތުގެ ފައިނަލްގައި ދިވެހި ޓީމުން ވާދަކުރި އެވެ. އެފަހަރު ފައިނަލްގައި ބަލިވީ ތުރްކްމިނިސްތާން އަތުންނެވެ. ސެންޓްރަލް ޒޯން ކޮލިފައިންގެ ދެވަނަ މުބާރާތް މިދިޔަ އަހަރު ބާއްވާފައިވަނީ ބަނގްލަދޭޝްގައެވެ. އެ މުބާރާތުން ދިވެހި ޓީމުން ވަނީ ތިންވަނަ ހޯދާފަ އެވެ.

މި މުބާރާތަށް ތައްޔާރުވުމުގެ ގޮތުން ދިވެހި ޓީމުގެ ފަރިތަކުރުންތައް މިދިޔަ މަހުގައި ފަށާފައިވާ އިރު، ޓީމަށް އިރުޝާދު ދޭނީ ތަޖުރިބާކާރު ކޯޗު މުހައްމަދު ޝަރަފެވެ. އޭނާގެ ދަށުން ޓީމުގެ އެސިސްޓެންޓް ކޯޗުންގެ ގޮތުގައި ހަރަކާތްތެރިވާނީ މުހައްމަދު ސާޖިދު (ކާއްޓޭ) އާއި އިބްރާހިމް ޝިހާމް (ސަޑިއްކެ) އެވެ.

މިއީ ވޮލީގެ މިފަދަ ބޮޑު މުބާރާތެއް ރާއްޖޭގައި ބާއްވާ ފުރަތަމަ ފަހަރެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް