އޮޑިޓް އޮފީސް އޮޑިޓްކުރާނެ ބަޔަކު ހޯދަނީ
ބީލަށް ހުށަހެޅުމަށް، 11 ޑިސެމްބަރު ވާ އާދިއްތަ ދުވަހުގެ 23:59ގެ ކުރިން އީމެއިލް މެދުވެރިކޮށް ރައްޔިތުންގެ މަޖިލީހަށް ހުށަހެޅުމަށް ވަނީ އެދިފައި
ބަޖެޓު ދިރާސާކުރާ ކޮމިޓީން 2022 ވަނަ އަހަރުގެ ދައުލަތުގެ ބަޖެޓާ ގުޅޭގޮތުން އޮޑިޓަރ ޖެނެރަލްގެ އޮފީހުގެ ބޭފުޅުންނާ ބައްދަލުކުރުން
އޮޑިޓަރ ޖެނެރަލްގެ އޮފީހުގެ މިއަހަރުގެ އަހަރީ އޮޑިޓްކުރާނެ އޮޑިޓް ފާމެއް ހޯދަން އިއުލާނުކޮށްފިއެވެ.
ރައްޔިތުންގެ މަޖިލީހުގެ އިދާރާއިން އިއުލާނެއްގައި ބުނެފައިވަނީ، އޮޑިޓަރ ޖެނެރަލްގެ އޮފީހުގެ 2022 ވަނަ އަހަރުގެ އަހަރީ އޮޑިޓްކުރުމަށް، އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސްގައި ޕަބްލިކް އިންޓްރެސްޓް އެންޓިޓީ އޮޑިޓަރސްގެ ގޮތުގައި ރަޖިސްޓްރީކޮށްފައިވާ އޮޑިޓް ފަރމްއެއް ހަމަޖެއްސުމަށް ރައްޔިތުންގެ މަޖިލީހުގެ މާލިއްޔަތު ކޮމިޓީން ބޭނުންވާކަމަށެވެ.
ވީމާ އެފަރާތްތަކުން ބީލަށް ހުށަހެޅުމަށް 11 ޑިސެމްބަރު ވާ އާދިއްތަ ދުވަހުގެ 23:59ގެ ކުރިން އީމެއިލް މެދުވެރިކޮށް ރައްޔިތުންގެ މަޖިލީހަށް ހުށަހެޅުމަށް ވަނީ އެދިފައެވެ. ޕްރީބިޑް މީޓިންގ އޮންނާނީ 12 ޑިސެމްބަރުގެ 11 ޖަހާއިރުއެވެ. ބީލަށް ހުށަހެޅުމާއި ހުޅުވުން އޮންނާނީ 26 ޑިސެމްބަރު ވާ ހޯމަ ދުވަހުގެ 11 ޖަހާއިރު ރައްޔިތުންގެ މަޖިލީހުގެ އިދާރާގައެވެ.
އޮޑިޓް އޮފީހަކީ ރައްޔިތުންގެ މަޖިލީހަށް ޖަވާބުދާރީ ވާންޖެހޭ އޮފީހެއް ކަމުން، އެ އޮފީސް އޮޑިޓްކުރުމަށް އޮޑިޓް ފަރމެއް ހޯދުމުގެ މަސައްކަތް ކުރަނީ ރައްޔިތުންގެ މަޖިލީހުގެ މާލިއްޔަތު ކޮމިޓީންނެވެ. އަދި އޮޑިޓް އޮފީހުގެ ބަޖެޓަކީވެސް، ސަރުކާރާއި މިނިވަން މުއައްސަސާތަކާއި އަދި ދައުލަތުގެ އެހެނިހެން މުއައްސަސާތަކާ ޚިލާފަށް، އޮޑިޓް އޮފީހުން އެ އޮފީހުގެ ބަޖެޓް ތައްޔާރުކުރުމަށްފަހު، މަޖިލީހުގެ މާލިއްޔަތު ކޮމިޓީއަށް ހުށަހަޅާ ބަޖެޓެކެވެ.
