ރައީސް ޞާލިހުގެ ވެރިކަމުގެ ފަހު އަހަރު ރައީސް އޮފީހުގެ ހަރަދުތަކަށް އޭޖީ ދިނީ "އޭ ސްޓަރ" އެއް
24 ޖެނުއަރީ 2025 | ހުކުރު 10:51ފާސްކުރެވުނު ބަޖެޓާއި އެ ބަޖެޓުން ހޭދަކުރެވުނުގޮތުގެ ބަޔާނުގައިވާ ލިބުނު ފައިސާއާއި ހަރަދުތަކަކީ ދައުލަތުގެ ފަބްލިކް އެކައުންޓިންގ ސިސްޓަމްގައ ހުރި ރިކޯޑްތަކުން ދައްކާ އަދަދުތައް
ޚާރިޖީ ޚިދުމަތުގެ އެންމެ މަތިވެރި ޝަރަފު ދެ ބޭފުޅަކަށް ދެއްވުމަށް ބޭއްވި ރަސްމިއްޔާތުގެ ތެރެއިން
ކުރީގެ ރައީސް އިބްރާހިމް މުހައްމަދު ޞާލިހުގެ ވެރިކަމުގެ ފަހު އަހަރު ހަރަދުތައް ކޮށްފައިވަނީ ގާނޫނާއި ގަވާއިދުތަކާއި އެއްގޮތަށް ކަމަށް އޮޑިޓަރ ޖެނެރަލްގެ އޮފީހުން ބުނެފިއެވެ.
އޮޑިޓަރ ޖެނެރަލްގެ އޮފީހުން ނެރެފައިވާ ރައީސުލްޖުމްހުރިއްޔާގެ އޮފީހުގެ 2023 ވަނަ އަހަރުގެ ކޮމްޕްލަޔަންސް އޮޑިޓް ރިޕޯޓުގައި ބުުނެފައިވަނީ ރައީސުލްޖުމްހުރިއްޔާ އޮފީހުގެ 31 ޑިސެމްބަރު 2023 ގައި ނިމުނު މާލީ އަހަރުގެ ފާސްކުރެވުނު ބަޖެޓާއި އެ ބަޖެޓުން ހޭދަކުރެވުނުގޮތުގެ ބަޔާނުގައިވާ ލިބުނު ފައިސާއާއި ހަރަދުތަކަކީ ދައުލަތުގެ ފަބްލިކް އެކައުންޓިންގ ސިސްޓަމްގައ ހުރި ރިކޯޑްތަކުން ދައްކާ އަދަދުތައް ކަމަށެވެ.
މީގެ އިތުރުން މި ރިޕޯޓުގައި ބުނެފައިވަނީ، މައިގަނޑު ގޮތެއްގައި، ރައީސުލްޖުމްހޫރިއްޔާގެ އޮފީހުގެ 2023 ވަނަ އަހަރުގެ ބަޖެޓުން ހަރަދުކޮށްފައިވަނީ، އެ އޮފީހަށް ފާސްކޮށްދެއްވި ބަޖެޓުގައި ކަނޑައަޅާފައިވާ ކަންތައްތަކަށް، ބަޖެޓުގައި ކަނޑައަޅާފައިވާ މިންވަރަށް، ދައުލަތުގެ މާލިއްޔަތުގެ ގާނޫނާއި ދައުލަތުގެ މާލިއްޔަތުގެ ގަވާއިދާ އެއްގޮތަށް ކަމަށެވެ.
2023 ވަނަ އަހަރަށް އެ އޮފީހަށް ކަނޑައަޅާ ފައިނަލް ކޮށްފައިވަނީ 230،802،701 މިލިއަން ރުފިޔާގެ ބަޖެޓެކެވެ. އަދި އެ ބަޖެޓުގެ ތެރެއިން ހަރަދުކޮށްފައިވަނީ 210،890،760 މިލިއަން ރުފިޔާއެވެ.
ރިޕޯޓުގައި ބުނެފައިވަނި ރައީސުލްޖުމްހޫރިއްޔާގެ އޮފީހުގެ 2023 ވަނަ އަހަރުގެ އެހެނިހެން މާލީ ކަންކަން، މައިގަނޑުގޮތެއްގައި، ހިންގާ ބަލަހައްޓާފައިވަނީ ދައުލަތުގެ މާލިއްޔަތުގެ ގާނޫނު އާއި ދައުލަތުގެ މާލިއްޔަތުގެ ގަވާއިދާ އެއްގޮތަށް ކަމަށެވެ.
