ޓެރަރިސްޓް ހަމަލާގައި ޒަޚަމްވި ސިފައިން ގާތަށް ސައުދީ ވަލީއަހުދު ޒިޔާރަތް ކުރައްވައިފި
25 ޖޫން 2017 | އާދީއްތަ 16:27ހަމަލާގައި ސިފައިންގެ 5 މީހަކު ވަނީ ޒަޚަމްވެފަ
ޒަޚަމްވެފައިވާ ސިފައިންގެ މީހަކާއި ވަލީއަހުދު ބައްދަލުކުރައްވަނީ
ނިމިގެންދިޔަ ހަފްތާގައި ސައުދީ އަރަބިއާގައި ދޭން އުޅުނު ޓެރަރިސްޓް ހަމަލާ ހުއްޓުވުމުގައި ހަރަކާތްތެރިވުމުގެ ތެރެއިން ޒަޚަމްވި ސައުދީ ސިފައިން ގާތަށް ސައުދީގެ ވަލީއަހުދު މުޙައްމަދު ބިން ސަލްމާން އަލް ސައުދު ޒިޔާރަތް ކުރައްވައިފިއެވެ.
ސައުދީގެ ނޫސްތަކުގައި ބުނެފައިވާ ގޮތުގައި، އަމީރު މުޙައްމަދު ޒަޚަމްވި ސިފައިންގެ ގާތަށް ޒިޔާރަތް ކުރެއްވީ އާދީއްތަ ދުވަހުއެވެ.
ސައުދީގައި ދޭން އުޅުނު ހަމަލާ ހުއްޓުވުމަށް ހަރަކާތްތެރިވި ސިފައިންނާއި ޓެރަރިސްޓުންގެ މީހަކާއި ދެމެދު ހިނގި ކުރިމަތިލުންތަކުގައި، ޓެރަރިސްޓް މީހާ މަރުވެފައިވާއިރު، އާންމުންގެ 6 މީހަކާއި ސައުދީ ސިފައިންގެ 5 މީހަކު ޒަޚަމްވެފައިވެއެވެ.
މި ހަމަލާ ރޭވުމުގެ ތުހުމަތުގައި ސައުދީ ސިފައިން ވަނީ ފަސް މީހަކު ހައްޔަރު ކޮށްފައެވެ. އޭގެ ތެރޭގައި އަންހެނަކުވެސް ހިމެނެއެވެ.
