ދެވަނަ ހާފުގައި ކުޅުން ރަނގަޅުކޮށް، ސްވިޒަލެންޑުން ނަތީޖާ ނެރެފި
ސްވިޒަލެންޑުން މެޗު ކާމިޔާބުކުރީ 1-0ން
ސްވިިޒަލޭންޑްއާއި ކެމަރޫން ކުޅުނު މެޗުގެ ތެރެއިން
ފީފާ ވޯލްޑް ކަޕްގައި ކުޅުނު ފުރަތަމަ މެޗުގެ ދެވަނަ ހާފުގައި ކުޅުން ރަނގަޅުކޮށް, ސްވިޒަލެންޑުން އެޓީމުގެ ފެށުން ރަނގަޅު ކޮށްފިއެވެ.
ސްވިޒަލެންޑުގެ ފުރަތަމަ މެޗުގައި އެޓީމު ބައްދަލުކުރީ ކެމަރޫންއާއެވެ. ސްވިޒަލެންޑުން މެޗު ކާމިޔާބުކުރީ 1-0ންނެވެ. މި މެޗުގެ ފުރަތަމަ ހާފު ނިމުނީ އެއްވެސް ޓީމަކަށް ލަނޑެއް ނުޖެހި އެއްވަރު ވެގެންނެވެ. ފުރަތަމަ ހާފުގައި އިދިކޮޅު ގޯލަށް ނުރައްކާތެރި ހަމަލާތަކެއް ފޮނުވާލީ ކެމަރޫން ޓީމުންނެވެ. ފުރަތަމަ ހާފުގައި ސްވިޒަލެންޑަށް މާ އެދެވޭ ކުޅުމެއް ނުދެއްކުނެވެ.
ނަމަވެސް ދެވަނަ ހާފު ފެށިތަނާ ސްވިޒަލެންޑުން ވަނީ ލަނޑެއް ޖަހާފައެވެ. މިއީ ބްރީލް ޝަކީރީގެ އެހީތެރިކަމާއެކު، ބްރީލް އެމްބޯލޯ ޖެހި ލަނޑެކެވެ. މީގެ އިތުރުންވެސް ލީޑު ފުޅާކުރުމަށް ރަނގަޅު ފުރުސަތެއް އޭނާއަށް ލިބުނެވެ. ނަމަވެސް ފުރުސަތުގެ ބޭނުމެއްނުހިފުނެވެ.
މިއީ މި ދެޓީމު ބައިނަލްއަގްވާމީ ފެންވަރުގައި ވާދަކުރި ފުރަތަމަ ފަހަރެވެ.
