ކ. މާލެ
|
23 ނޮވެންބަރ 2022 | ބުދަ 10:16
ޖުޑީޝަލް ސަރވިސް ކޮމިޝަން
ޖުޑީޝަލް ސަރވިސް ކޮމިޝަން
ޖޭއެސްސީގެ ތަހުގީގުތައް
މައްސަލައެއްގެ ޙުކުމްކުރުން ލަސްވެގެން ގާޒީއެއްގެ ސުލޫކީ މައްސަލައެއް ބަލަނީ
 
ޖިނާޢީ އިޖުރާއަތުގެ ޤާނޫނުގައި ބަޔާންކޮށްފައިވާ ފަދައިން މައްސަލައިގެ ހުކުމް ކުރުމުގެ މަޖިލިސް ބާއްވަވާފައި ނުވޭ
 
މިއީ ކްރިމިނަލް ކޯޓުގައި ކުރިއަށްދިޔަ ގަޒިއްޔާއަކާ ގުޅޭ މައްސަލައެއް

ކްރިމިނަލް ކޯޓުގެ ގާޒީ ސޮފްވަތު ޙަބީބުގެ ސުލޫކީ މައްސަލައެއް ބެލުމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން ނިންމައިފިއެވެ.

ޖޭއެސްސީން އެކަން ހާމަކޮށްފައިވަނީ ބުދަ ދުވަހު ނެރުނު ބަޔާނެއްގައެވެ.

ޖޭއެސްސީން މައުލޫމާތު ދޭ ގޮތުގައި ގާޒީ ސޮފްވަތުއާ ބެހޭގޮތުން ބަލަމުންދާ މައްސަލައަކީ ކްރިމިނަލް ކޯޓުގައި ކުރިއަށްދިޔަ ގަޒިއްޔާއަކާ ގުޅޭ މައްސަލައެއް ކަމަށެވެ. އެގޮތުން އެ ގަޒިއްޔާގެ ޚުލާސާ ބަޔާން ހުށަހަޅައި، މައްސަލައިގެ އަޑުއެހުން ނިމިފައިވީނަމަވެސް، ޖިނާޢީ އިޖުރާއަތުގެ ޤާނޫނުގައި ބަޔާންކޮށްފައިވާ ފަދައިން މައްސަލައިގެ ހުކުމް ކުރުމުގެ މަޖިލިސް ބާއްވަވާފައި ނުވާކަމަށް ޖޭއެސްސީން މައުލޫމާތުދެއެވެ.

ވުމާއެކު، ޤާޒީ ޞަފްވަތު ޙަބީބްގެ ސުލޫކީ މައްސަލަ ބަލަން ކޮމިޝަންގެ މައްސަލަ ބެލުމާމެދު ގޮތެއް ނިންމާ ކޮމިޓީ މިހާރު ވަނީ ނިންމާފައެވެ.

އަދި 2022 ނޮވެމްބަރު 16 ވީ ބުދަ ދުވަހު ބޭއްވި ޖުޑީޝަލް ސަރވިސް ކޮމިޝަނުގެ 82 ވަނަ ޖަލްސާގައި މި މައްސަލަ ތަޚްޤީޤު ކުރުމަށް ވަނީ ކޮމިޓީއެއް ވެސް އެކުލަވާލެވިފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
33%
33%
0%
0%
0%
33%
ކޮމެންޓް