އެމްއެމްސީއާއި ބީއެމްއެލް ގުޅިގެން "ފައިނޭންޝަލް ޖަރނަލިޒަމް ވޯކްޝޮޕް" ބާއްވައިފި

މޯލްޑިވްސް މީޑިއާ ކައުންސިލް (އެމްއެމްސީ) އާއި ބޭންކް އޮފް މޯލްޑިވްސް ގުޅިގެން ރާއްޖޭގެ މީޑިއާތަކުގައި ހަރަކާތްތެރިވާ ފަރާތްތަކަށް "ފައިނޭންޝަލް ޖަރނަލިޒަމް ވޯކްޝޮޕް" ބާއްވައިފިއެވެ.

މަންހަޓާން ބިޒްނަސް ހޮޓެލްސްގައި ކުރިއަށްދިޔަ މި ވޯކްސޮޕަކީ ނޫސްވެރިންނަށް އިންތިޒާމް ކޮށްގެން ފައިނޭންސްއާ ގުޅޭ ހަބަރުތައް ރިޕޯޓް ކުރާނެ ގޮތާއި ގުޅޭ ގޮތުން ކުރިއަށްދިޔަ ވޯކްޝޮޕެކެވެ.

ފަސް ސެޝަނަކަށް ބަހާލައިގެން ކުރިއަށްގެންދިޔަ މި ވޯކްޝޮޕްގެ ސެޝަންތައް ނަންގަވައިދެއްވީ ބީއެމްއެލްގެ ފަރާތުން ތަޖުރިބާކާރު ބޭފުޅުންނެވެ.

މީގެ ތެރޭގައި ހިމެނެނީ، ބިޒްނަސް އެންޑް ބޭންކިންގ ޕްރޮޑަކްޓް، ރީޓެއިލް ޑިޖިޓަލް ސާރވިސަސް، ޕްރިވެންޝަން އޮފް މަނީ ލޯންޑަރިންގ އެންޑް ޓެރަރިޒަމް ފައިނޭންސިންގ، ފައިނޭންޝިއަލް ޖަރނަލިޒަމް އެންޑް ފައިނޭންޝަލް ރިޕޯޓިންގ އަދި އެވެއާނެސް އޮން ސްކޭމް އެންޑް ފްރޯޑްސް އެވެ.

މި ސެޝަންތައް ނަންގަވައިދެއްވީ ހެޑް އޮފް ބިޒްނަސް އެންޑް އެސްއެމްއީ ބޭންކިންގ އަލީ ފާރިސް ހަލީލް، ހެޑް އޮފް ރީޓެއިލް ބޭންކިންގ އެންޑް ކާޑްސް ބަދުރުއްދީން ޙަސަން، ކޮމްޕްލިއަންސް މެނޭޖަރު އަލީ ޒައިދު މުޙައްމަދު އަދި ޑެޕިއުޓީ ޗީފް ފައިނޭންޝަލް އޮފިސަރު ޝަމްހީދު އަލީގެ އިތުރުން ކޮންޓެކްޓް ސެންޓަރު މެނޭޖަރު މުޙައްމަދު ހަމީމްއެވެ.

މި ވޯކްޝޮޕްގައި ގިނަ އަދަދެއްގެ ނޫސްވެރިން ބައިވެރިވެފައިވާކަމަށް މީޑިއާ ކައުންސިލުން މައުލޫމާތުދެއެވެ.