އުތުރުކޮރެޔާގެ ލީޑަރުގެ ދަރިކަނބަލުން ދުނިޔެއަށް ދައްކަވާލައްވައިފި
19 ނޮވެމްބަރު 2022 | ހޮނިހިރު 13:40މިއީ ކިމް ދަރިކަނބަލުންނާއެކު އާންމު ތަނަކުން ފެނުނު ފުރަތަމަ ފަހަރު
އުތުުރު ކޮރެޔާގެ ލީޑަރު ކިމް ޖޮންގ އުންއާއި ދަރިކަނބަލުން
އުތުރުކޮރެޔާގެ ލީޑަރު ކިމްޖޮންގ އުން, ފުރަތަމަ ފަހަރަށް ދަރިކަނބަލުންނާއެކު އާންމު ތަނަކަށް ނުކުމެވަޑައިގެންފިއެވެ. ކިމްގެ ދަރިކަނބަލެއް ހުންނަކަން ނުވަތަ ނޫންކަން މީގެ ކުރިން އޮތީ މާބޮޑަށް ޔަގީންނުވެފައެވެ.
ކިމް ޖޮންގ އުން ދަރިކަނބަލުންގެ އަތުގައި ހިއްޕަވައިގެން ވަޑައިގެންފައިވަނީ ހުކުރު ދުވަހު އޮތް، އެންމެ ބޮޑު ބެލިސްޓިކް މިސައިލް ލޯންޗްކުރާ ތަން އިންސްޕެކްޓް ކޮށްދެއްވުމަށެވެ.
އުތުރު ކޮރެޔާއަކީ ދުނިޔޭގައި މިވަގުތު އޮތް އެންމެ ސިއްރުވެރި ގޮތްތައް ގެންގުޅޭ އެއްގައުމެވެ.
ކިމްޖޮންގ އުން ނިސްބަތްވެވަޑައިގަންނަވަނީ އުތުރު ކޮރެޔާގެ ވެރިކަން ކުރަމުން އަންނަ އާއިލާގެ ތިންވަނަ ޖީލަށް ކަމަށްވާއިރު، 12 ނުވަތަ 13 އަހަރުފުޅުގެ ދަރިކަނބަލުން ދައްކަވާލެއްވުމުގެ ބޭނުމަކީ ހަތަރުވަނަ ޖީލަށްވެސް ވެރިކަން ދެމިގެން އަންނާނީ އެއާއިލާއިންކަން ހާމަކުރެއްވުން ކަމަށް، އުތުރު ކޮރެޔާގެ ކަންތައް ދިރާސާކުރާ ފަރާތްތަކުން ބުނެއެވެ.
އެކްސްޕަރޓުން ގަބޫލުކުރާގޮތުގައި ކިމްޖޮން އުންގެ ތިން ބޭފުޅުން ތިއްބަވައެވެ. އެއީ ދެ އަންހެން ބޭފުޅުންނާއި ފިރިހެން ބޭފުޅެކެވެ. އޭގެ ތެރެއިން ހުކުރު ދުވަހު ދައްކާލެއްވި ދަރިކަނބަލުންނަކީ އެންމެ ދޮށީ ދަރިކަނބަލުންނެވެ.
