ކިމްޕެމްބޭއަށް ވޯލްޑް ކަޕްގައި ނުކުޅެވޭނެ
14 ނޮވެމްބަރު 2022 | ހޯމަ 15:05ފީފާ ވޯލްޑް ކަޕްގެ ތަށި އެންމެ ފަހުން ކާމިޔާބުކުރީ ފްރާންސް
ކިމްޕެމްބޭ، ކޯޗާއެކު
މިފަހަރުގެ ވޯލްޑް ކަޕްގައި ފްރާންސްގެ ޑިފެންޑަރު ޕާސްނަލް ކިމްޕެމްބޭއަށް ނުކުޅެވޭނެކަން ޔަގީންވެއްޖެއެވެ.
ކިމްޕެމްބޭއަށް މުބާރާތް ގެއްލުނީ އަނިޔާގެ ސަބަބުންނެވެ. މުބާރާތް ފެށެން ކުޑަތަންވެފައި ވަނިކޮށް ޕީއެސްޖީގައި ކުޅުނު މެޗެއްގައި އޭނާއަށް ވަނީ އަނިޔާވެފައެވެ. އަދި މުބާރާތަށް އޭނާ ފިޓްނުވާނެކަން މިހާރު ވަނީ ޔަގީންވެފައެވެ. މިއާއެކު ފްރާންސްގެ ސްކޮޑުން އޭނާ ވަނީ ބާކީކޮށްފައެވެ. ކިމްޕެމްބޭ ނެތްތަން މުބާރާތުގައި ފޫބައްދާނީ އަލެކްސް ޑިސާސީއެވެ. އަދި 26 ކުޅުންތެރިން ހަމަކުރުމަށް ސްކޮޑަށް އިތުރުކުރީ މާކަސް ތުރަމްއެވެ.
ފީފާ ވޯލްޑް ކަޕްގެ ތަށި އެންމެ ފަހުން ކާމިޔާބުކުރީ ފްރާންސެވެ. މުބާރާތުގެ ތަށި ޑިފެންޑް ކުރުމަށް ފްރާންސުން މިފަހަރުގެ މުބާރާތާ ކުރިމަތިލާއިރު، ޓީމުގައި އަނިޔާގެ މައްސަލަތައް ބޮޑެވެ. މިފަހަރުގެ މުބާރާތުގައި ފްރާންސްގެ މުހިންމު ކުޅުންތެރިން ކަމުގައިވާ ޕައުލް ޕޮގްބާ އަދި އެންގޯލޯ ކާންޓޭއަށްވެސް ނުކުޅެވޭނެއެވެ.
މުބާރާތުގައި ފްރާންސްގެ ފުރަތަމަ މެޗު އޮތީ މި މަހުގެ 23 ވަނަ ދުވަހުއެވެ. ފުރަތަމަ މެޗުގައި ފްރާންސް ބައްދަލުކުރަން ޖެހޭނީ އޮސްޓްރޭލިއާއާއެވެ. މި ދެޓީމުގެ އިތުރުން ގްރޫޕް ޑީގައި ހިމެނެނީ ޑެންމާކާއި ޓިއުނީޝިޔާއެވެ.
