ޓްވިޓަރ އެކައުންޓް ވެރިފައިކުރާ އުސޫލު މުރާޖައާކުރާނަން: މަސްކް

ޓްވިޓަރ އެކައުންޓްތައް ވެރިފައިކުރާ އުސޫލު މުރާޖައާކުރާނެކަމަށް އީލޯން މަސްކް ބުނެފިއެވެ.

ގިނަ ބަޔަކު ބޭނުންކުރާ ސޯޝަލް މީޑިއާ ޕްލެޓްފޯމް "ޓްވިޓަރ" ގަތުމަށްފަހު މުއްސަނދި މަހުޖަނު އީލޯން މަސްކް ކުރި ޓްވީޓެއްގައި ބުނެފައިވަނީ، ވެރިފައިކުރާ އުސޫލު އަލުން ބަދަލުކުރާނެކަމަށެވެ. ނަމަވެސް އެކަމާގުޅޭ ތަފްސީލެއް ހާމަކޮށްފައެއްނުވެއެވެ.

ޓްވިޓަރއިން ވަނީ ވެރިފައިކުރާ އެކައުންޓްތަކުން ވަކި ވަރަކަށް ޗާޖްކުރާގޮތަށް ނިންމާފައެވެ. އެގޮތުން ވެރިފައިކުރާ އެކައުންޓްތަކުން މަހަކު 4.99 ޑޮލަރު ދައްކަންޖެހޭނެކަމަށާއި، އެހެން ނޫންކަމަށްވާނަމަ ވެރިފައިކޮށްފައިވާކަން އަންގައިދޭ ނޫ ކުލައިގެ އައިކަން ގެއްލޭނެކަމަށް ރިޕޯޓްތައް ބުނެއެވެ.

ވެރިފައިކުރާ އެކައުންޓްތަކުން ދައްކަންޖެހޭ ފައިސާގެ އަދަދު މަހަކު 4.99 ޑޮލަރާއި 19.9 ޑޮލަރާއި ދެމެދުގައި ހުންނާނެކަމަށްވެސް ބައެއް ރިޕޯޓްތައްބުނެއެވެ.