ޗެލްސީގައި ޒަކަރިއާ ހުރީ އުފަލުން، ޚާއްސަ ޝުކުރެއް ކޯޗު ޕޮޓާ އަށް

ޗެލްސީގައި ހުރީ ވަރަށް އުފަލުން ކަަމަށާއި، ކުލަބާ މެދު ހިތްހަމަ ޖެހޭ ކަމަށް ސްވިޒަލެންޑުގެ ޑިފެންސިވް މިޑްފީލްޑަރު ޑެނިސް ޒަކަރިިއާ ބުނެފިއެވެ.

އޭނާ މިހެން ބުނީ ޔުއެފާ ޗެމްޕިއަންސް ލީގުގައި ޑައިނަމޯ ޒަގްރެބާ ދެކޮޅަށް ކުޅުނު މެޗަށްފަހުއެވެ. އެ މެޗުން ޗެލްސީ މޮޅުކޮށްދިން ލަނޑު ޖެހީ އޭނާއެވެ. ޒަކަރިއާ ޗެލްސީ އަށް ކުޅެމުން އަންނަނީ ޔުވެންޓަސްގައި ހުރުމަށްފަހު ލޯނު އެއްބަސްވުމެއްގެ ދަށުންނެވެ.

ޒަކަރިއާ ބުނީ ޗެލްސީގެ ސަޕޯޓަރުންނަކީ ވަރަށް ތަފާތު ބައެއް ކަމަށެވެ. ޒަކަރިއާ ބުނީ އޭނާ ހުރީ ވަރަށް އުފަލުން ކަމަށާއި، އޭނާ އަށް މުހިންމީ ރަނގަޅު މެޗެއް ކުޅުން ކަމަށެވެ. މީގެ އިތުރުން އޭނާ ބުނީ ޔުވެންޓަސް އިން ޗެލްސީ އަށް ބަދަލުވީ ކުޅެން ބޭނުންވާތީ ކަމަށާއި، އޭނާގެ ވަގުތު ޖެހެންދެން މަޑު ކުރިން ކަމަށެވެ. މެޗުގައި އޭނާ އަރުވަމުން ކޯޗު ގްރަހަމް ޕޮޓާ އޭނާ އަށް އިރުޝާދެއް ދިން ކަމަށް ޒަކަރިއާ ބުންޏެވެ. އެއީ ފަރިތަކުރުންތަކުގައި ކުޅޭ ފެންވަރަށް މެޗުގައި ވެސް ކުޅުމަށެވެ. އެކަން އޭނާ އަށް ކުރެވުނުކަން ފާހަގަ ކުރަމުން ޒަކަރިއާ ބުނީ ކޯޗު ޕޮޓާ އަށް އޭނާ ޝުކުރު އަދާކުރަން ބޭނުންވާ ކަމަށެވެ.

އެއް އަހަރު ދުވަހުގެ ލޯނު އެއްބަސްވުމެއްގެ ދަށުން އޭނާ ޗެލްސީ އަށް ބަދަލުވި ނަމަވެސް، އެ މުއްދަތު ހަމަވުމުން ދާއިމީ އެއްބަސްވުމެއް ހެދުމުގެ ފުރުސަތު އޮވެއެވެ. ޒަގްރެބާ ދެކޮޅަށް ކުޅުނު މެޗަކީ ޗެލްސީ އަށް ބަދަލުވި ފަހުން އޭނާ ކުޅުނު ފުރަތަމަ މެޗެވެ.