ޒުވާނުންނަށް އުފާވެރި މާދަމާއެއް ހޯދައިދީ، ރަނގަޅު ޖީލަކަށް މި ސަރުކާރުން އެތައް ކަމެއް
ސަރުކާރުގެ ސިޔާސަތުގެ ތެރެއިން ކުރިއަށްގެންގޮސްފައިވާ ގިނަ މަސައްކަތްތަކަކީ ޒުވާނުންގެ ލާބައަށްޓަކައި ކޮށްފައިވާ މަސައްކަތްތައް
ރައީސުލްޖުމްހޫރިއްޔާ، "އެފް.އައި.ވީ.ބީ. ޕްރޯ ޓުއަރ މޯލްޑިވްސް ޗެލެންޖް 2022" ވޮލީ ބޯޅަ މުބާރާތް ބައްލަވާލެއްވުން
މި ސަރުކާރުގެ ސިޔާސަތުތަކުގެ ތެރެއިން މިހާތަނަށް ފުރިހަމަކޮށްދެއްވާފައިވާ ގިނަ ކަންކަމަކީ ޒުވާނުންނަށް އުފާވެރި މާދަމާއެއް ހޯދައިދީ ރަނގަޅު ޖީލެއް ބިނާކުރުމަށްޓަކައި ފުރިހަމަކޮށްދެއްވާފައިވާ ކަންކަން ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.
ރައީސް މިފަދައިން ވިދާޅުވީ މިއަދު ފާހަގަކުރަމުންމިދާ ޒުވާނުންގެ ދުވަހުގެ ތަހުނިޔާ އަރިސްކުރައްވައި، ކުރެއްވި ޓްވީޓެއްގައެވެ.
ރައީސް ވިދާޅުވީ، މިހާތަނަށް އައިއިރު މި ސަރުކާރުން ހިލޭ ޑިގްރީއާއި ސްކޮލާރޝިޕް ފުރުސަތުތައް ފަހިކޮށްދިނުމާއި، މަސައްކަތްތެރިކަން ދަސްކޮށްދޭ މަރުކަޒުތައް ގާއިމްކުރުމާއި، ކުޅިވަރު ދަނޑުތައް ގާއިމްކުރުމާއި، އަދި އެސްްއެމްްއި ލޯނުތައް ތައާރަފްކޮށްފައިވާކަމަށެވެ. ރައީސް ފާހަގަކުރެއްވީ މި ހުރިހާ ކަމަކީވެސް ޒުވާނުންނަށް އުފާވެރި މާދަމާއެއް ހޯދައިދީ، ރަނގަޅު ޖީލެއް ބިނާކުރުމަށް ފުރިހަމަކޮށްދެއްވާފައިވާ ކަންކަން ކަމަށެވެ.
މި ދުވަހުގެ ތަހުނިޔާ ފޮނުއްވައި ޔޫތު މިނިސްޓަރ އަހުމަދު މަޚުލޫފުވެސް ވަނީ ޓްވީޓުކުރައްވާފައެވެ. މިނިސްޓަރގެ ޓްވީޓުގައިވެސް ވަނީ މި ސަރުކާރުން ޒުވާނުންގެ ކުރިއެރުމަށްޓަކައި ކޮށްދެއްވާފައިވާ ގިނަ މަސައްކަތްތައް ފާހަގަކުރައްވާފައެވެ. މިގޮތުން އެޕްރެންޓިސްޝިޕް ޕްރޮގްރާމް ހިންގުމާއި، ވަޒީފާގެ ފުރުސަތުތައް ފަހިކޮށްދިނުމާއި، ހިލޭ ޑިގްރީއާއި، ކުޅިވަރުގެ ދާއިރާއިން ކޮށްދެއްވާފައިވާ އެތައް ކަމެއް މިނިސްޓަރ ފާހަގަކުރެއްވިއެވެ. އަދި މިއީ ގައުމީ ޒުވާނުންގެ ދުވަސް ފާހަގަކުރާއިރު އޮތް ހިތްހަމަޖެހުމެއްކަން މިނިސްޓަރ ފާހަގަކުރެއްވިއެވެ.
ކޮންމެ އަހަރެއްގެވެސް 22 އޮކްޓޯބަރު ފާހަގަކުރަނީ ޒުވާނުންގެ ދުވަހުގެ ގޮތުގައެވެ.
