ބުރާސްފަތި 22 އޮކްޓޯބަރ 2020
05 ހެއި
1442 ރަބީއުލް އައްވަލް 05
ފަތިސް 04:37
އިރުއަރާ 05:49
މެންދުރު 11:55
އަސްރު 15:11
އިރުއޮއްސޭ 17:53
އިޝާ 19:05
ޑެނީ އަލްވޭޒް

އަލްވޭޒް ޔުވަންޓަސް ދޫކޮށްލިކަން އެ ކްލަބުން ކަށަވަރުކޮށްދީފި

  • ޔުވަންޓަސް ދޫކޮށްލުމަށްފަހު ޑެނީ އަލްވޭޒް ބަދަލުވާނީ މެންޗެސްޓާ ސިޓީއަށް
  • ޑެނީ އަލްވޭޒް ހޯދުމަށް ސިޓީން ވަނީ ފަސް މިލިއަން ޕައުންޑު ހުށަހަޅާފައި

ކ. މާލެ | 22 ޖޫން 2017 | ބުރާސްފަތި 10:14 | 4,370

ޔުވަންޓަސް ކުޅެމުން އައި ޑެނީ އަލްވޭޒް - ޓްވިޓަރ

ޔުވަންޓަސް އަށް ކުޅެމުން އަންނަ ޑެނީ އަލްވޭޒް އެ ކްލަބް ދޫކޮށްލިންކަން ޔުވަންޓަސްގެ ސީއީއޯ ގުއިސެޕް މޮރާޓާ ކަށަވަރުކޮށްދެއްވައިފި އެވެ.

ނޫސްވެރިންނަށް މައުލޫމާތު ދެއްވަމުން މޮރާޓާ ވިދާޅުވީ، ޑެނީ އަލްވޭޒް ބޭނުންވަނީ ތަފާތު ތަޖުރިބާއެއް ކުރަން ކަމަށާއި، އެގޮތުން ޔުވަންޓަސް އާއި އޭނާއާ ދެމެދު ހެދިފައިވާ އެއްބަސްވުން ނިމުމަކަށް ގެނެސްފައިވާ ކަމަށެވެ.

ގޯލްޑޮޓްކޮމް އިން ބުނި ގޮތުގައި ޑެނީ އަލްވޭޒް ވަނީ މެންޗެސްޓާ ސިޓީއާ އަށް ބަދަލުވާން ނިންމާފައެވެ. އެގޮތުން އޭނާ އެ ކްލަބަށް ބަދަލު ވަނީ ދެ އަހަރު ދުވަހުގެ އެއްބަސްވުމަކާ އެކު ކަމަށް ވެސް އެ ރިޕޯޓުގައި ވަނީ ބުނެފައެވެ.

މީގެ އިތުރުން އުމުރުން 34 އަހަރުގެ އަލްވޭޒް ހޯދުމަށް ސިޓީން ފަސް މިލިއަން ޕައުންޑު ހުށަހަޅާފައިވާ ކަމަށާއި، އޭނާގެ ޓްރާންސްފާގެ ކަންތައްތައް ކުރިޔަށް އޮތް 48 ގަޑިއިރު ތެރޭގައި ސިޓީން ހާމަކުރާނެ ކަމަށް ރިޕޯޓްތައް ބުނެއެވެ.

އަލްވޭޒް ހޯދުމަށް ސިޓީގެ އިތުރުން ޗެލްސީން ވެސް އަންނަނީ މަސައްކަތްކުރަމުންނެވެ. އެގޮތުން އޭނާއަކީ ޗެލްސީގެ ކޯޗު އެންޓޯނިއޯ ކޮންޓޭ އަށް ވަރަށް ކަމުދާ ކުޅުންތެރިއެއް ކަމަށް ރިޕޯޓްތައް ބުނެއެވެ. މީގެ އިތުރުން ޕްރިމިއާ ލީގަށް ބަދަލުވާން ބޭނުންވާކަން މީގެ ކުރިން ޑެނީ އަލްވޭޒް ވަނީ ބުނެފައެވެ.

އަލްވޭޒް ވަނީ ބާސާ ދޫކޮށްލުމަށް ފަހު ބާސާ އަށް ބަދަލުވެ އެ ކްލަބުގައި މޮޅު ކުޅުމެއް ދައްކާފައެވެ. އެގޮތުން އޭނާ ވަނީ މި ސީޒަނުގައި އެޓީމަށް ލީގު ތަށި އަދި އިޓާލިއަން ކަޕް ކާމިޔާބުކޮށްދިނުމަށް ވެސް މުހިންމު ދައުރެއް އަދާކޮށްފައެވެ. މީގެ އިތުރުން އޭނާ ވަނީ ޗެމްޕިއަންސް ލީގު ފައިނަލަށް ވެސް އެޓީމު ގެންގޮސްދިނުމަށް މުހިންމު ދައުރެއް އަދާކޮށްފައެވެ.

ސެވިއްޔާ އިން 2008 ވަނަ އަހަރު ބާސާ އަށް ބަދަލުވި މިހާރު އުމުރުން 33 އަހަރުގެ ޑެނީ އަލްވޭޒް ވަނީ އެޓީމުގައި ހޭދަކުރި އަށް ސީޒަނުގައި ކުޅުނު 391 މެޗުގައި 21 ލަނޑު ކާމިޔާބުކޮށްފައެވެ. މީގެ އިތުރުން އޭނާ ވަނީ އެޓީމާއެކު ސްޕެނިޝް ލަލީގާ ހަ ފަހަރު، ހަތަރު ކޮޕާޑެލްރޭ، ތިން ސްޕެނިޝް ސުޕާކަޕް، ތިން ޔުއެފާ ޗެމްޕިއަންސް ލީގު، ތިން ޔުއެފާ ސުޕާ ކަޕް އަދި ތިން ފީފާ ކްލަބް ވޯލްޑްކަޕް ކާމިޔާބުކޮށްފައެވެ.

ބްރެޒިލް ގައުމީ ޓީމާއެކު ފީފާ ކޮންފެޑެރޭޝަންސް ކަޕް ދެފަހަރު ކާމިޔާބުކޮށްފައިވާ އަލްވޭޒް ޔުވަންޓަސް އަށް ބަދަލުވީ މިދިޔަ އަހަރެވެ. އެގޮތުން އޭނާ ވަނީ މިހާތަނަށް އެޓީމަށް ކުޅުނު 32 މެޗުގައި ހަ ލަނޑު ކާމިޔާބުކޮށްފައެވެ.

 

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.