ވެމްކޯއާއި ރޯޑް ރެކްރިއޭޝަން ކްލަބް ފުރަތަމަ މެޗުން މޮޅު

މިއަދު ފެށި ކްލަބް މޯލްޑިވްސްކަޕްގައި ކްލަބް ވެމްކޯއާއި ރޯޑް ރެކްރިއޭޝަން ކްލަބް (އާރްއާރްސީ) ފުރަތަމަ މެޗު ކާމިޔާބުކޮށްފިއެވެ.

ގްރޫޕް އޭގެ ވެމްކޯ ފުރަތަމަ މެޗު ކާމިޔާބުކުރީ ޓީމް އެމްޓީސީސީއާ ވާދަކޮށް 7-2ންނެވެ. މެޗުގައި ވެމްކޯގެ އަހުމަދު އައިހަމް ހަތަރު ގޯލް ޖެހިއެވެ. އެޓީމްގެ ފުރަތަމަ ގޯލްވެސް ޖެހީ އައިހަމްއެވެ. ވެމްކޯގެ އަނެއް ތިން ލަނޑުގެ ތެރެއިން ދެ ލަނޑު ޖެހީ އަލީ ޝިޔާހުއެވެ. ދެން އެޓީމަށް ލަނޑު ޖަހައިިދިނީ އިބްރާހީމް މަހުދީ ހުސައިން (ފޭދޫ އިއްބެ)އެވެ. ޓީމް އެމްޓީސީސީގެ ދެ ލަނޑުވެސް ޖެހީ އިބްރާހީމް އާޒިމްއެވެ.

ގްރޫޕް ބީގައި އާރްއާރްސީ ފުރަތަމަ މެޗު ކާމިޔާބުކުރީ ޓީމް މާލޭ ސިޓީ ކައުންސިލާ ވާދަކޮށް 4-1ންނެވެ. އާރްއާރްސީގެ ފުރަތަމަ ދެ ލަނޑު ޖެހީ ކެޕްޓަން މިދުހަތު ފަހުމީއެވެ. ތިންވަނަ ލަނޑު ޖެހީ އަލީ ހާފިޒުއެވެ. ފަހު ލަނޑު ޖެހީ އިބްރާހީމް އަސްވަދުއެވެ. މާލޭ ސިޓީ ކައުންސިލްގެ ހަމައެކަނި ލަނޑު ޖެހީ މޫސާ ހަސަންފުޅެވެ.

މުބާރާތުގައި ހިމެނޭ ވިމެންސް 18/30 ފުޓްސަލް ފިއެސްޓާގެ ކުޅުން ހޮނިހިރު ދުވަހުގެރޭ ފަށާނެއެވެ.