ހަނި މޮޅަކާއެކު ޗެމްޕިއަންސް ލީގުގެ ޗެމްޕިއަން ރެއާލް މެޑްރިޑްގެ މޮޅުވުމުގެ ރެކޯޑު ދަމަހައްޓައިފިއެވެ.
ފުރަތަމަ ތިން މެޗުން ވެސް މޮޅުވެ ނުވަ ޕޮއިންޓާއެކު އެއްވަނާގައި އޮތް ރެއާލް މެޑްރިޑް, ތިންވަނަ މެޗުގައި ޔުކްރެއިންގެ ޝަހުތަރު ޑޮނެސްކް އަތުން މޮޅުވީ 2-1 ނެވެ. މެޗުގައި ރެއާލްގެ ދެ ލަނޑު ފުރަތަމަ ހާފްގައި ޖެހީ ބްރެޒިލްގެ ދެ ކުޅުންތެރިންކަމަށްވާ ރޮޑްރިގޯއާއި, ވިނީޝިއުސް ޖޫނިއަރއެވެ. ފުރަތަމަ ލަނޑު ވިނީޝިއުސް ޖޫނިއަރ 13 ވަނަ މިނެޓުގައި ޖަހަން ފުރުޞަތު ތަނަވަސްކޮށްދިނީވެސް ރޮޑްރީގޯއެވެ. އެކަމަކު ލަނޑުގައި ބެންޒިމާއާއި, ފެޑެރީކޯ ވަލްވާޑޭވެސް މުހިއްމު ދައުރެއް އަދާކުރިއެވެ. ޝަހުތަރު ޑޮނެސްކްގެ ލަނޑު ހާފް ނިމުމުގެ ކުރިން ޖެހީ އޮލެކްސެންޑަރ ޒުބްކޯވްއެވެ.
މެޗުން ބަލިވިޔަސް ހަތަރު ޕޮއިންޓާއެކު ދެވަނާގައި އޮތީ ޝަހުތަރު ޑޮނެސްކެއެވެ. ތިންވަނާގައި އޮތީ 3-1 ން ސެލްޓިކް ބަލިކުރި ޖަރުމަނުގެ އާރުބީ ލައިޕްޒިގްއެވެ.
