ރެއާލް އަލުން އަނބުރާ އެއް ވަނަ އަށް އަރާނެކަމުގެ އިތުބާރު އަންޗެލޮޓީއަށް އެބައޮތް
3 އޮކްޓޯބަރު 2022 | ހޯމަ 03:47އަންޗެލޮޓީ ބުނީ ކުރިއަށް އޮތް ތަނުގައި އެކަން ކަން ރަނގަޅުކޮށް، އަލުން ރެއާލްގެ މަގާމަށް ދެވޭނެ ކަމުގެ ޔަގީންކަން އޮތް ކަމަށް
ރެއާލްގެ ކޯޗު އަންޗެލޮޓީ
ސްޕެނިޝް ލީގުގައި އޮސަސޫނާއާ އެއްވަރުވެ ރެއާލް މެޑްރިޑަށް ލީގުގެ އެއް ވަނަ މަގާމު ގެއްލުނު ނަމަވެސް، އަލުން އަނބުރާ އެއް ވަނަ އަށް އެރޭނެ ކަމުގެ އިތުބާރު އޮތް ކަމަށް އެ ޓީމުގެ ކޯޗު ކާލޯ އަންޗެލޮޓީ ބުނެފިއެވެ.
މިއީ މި ސީޒަންގެ ސްޕެނިޝް ލީގުގައި ރެއާލުން މޮޅު ނުވެ ނިންމާލަން ޖެހުނު ފުރަތަމަ ފަހަރެވެ. މީގެ ކުރިން ކުޅުނު ހުރިހާ މެޗަކުން ވެސް އެ ޓީމު ވަނީ މޮޅުވެފައެވެ.
މެޗަށްފަހު ވާހަކަ ދައްކަމުން އަންޗެލޮޓީ ބުނީ، މެޗުގެ ސަބަބުން މުހިންމު ކަމެއް ގެއްލުނު ކަމަށެވެ. އޭނާ ބުނީ އެއީ ރަނގަޅަށް ދިޔަ މެޗެއް ނޫން ކަމަށާއި، ކުޅުމަށް ބަލާއިރު، ރެއާލަށް މޮޅެއް ހައްގުކަމަށެވެ. އަންޗެލޮޓީ ބުނީ މިއީ އެއީ ކަން ހިނގާނެ ގޮތް ކަމަށެވެ. ރެއާލް އައީ ރަނގަޅު ފޯމެއްގައި ކުރިއަށްކަން ފާހަގަކޮށް އަންޗެލޮޓީ ބުނީ، ދެން ޖެހެނީ ކުރިއަށް އޮތް ފުރުސަތުތަކަށް ބަލަން ކަމަށެވެ.
މީގެ އިތުރުން އޭނާ ބުނީ މިހާރު އޮތް ރެއާލް މޮޅުނުވުމަކީ ދެރަވާން ޖެހޭ ކަމެއް ކަމަށާއި، އެއްވަރުވުމަކީ ދެރަ ކަމެއް ކަމަށެވެ. ނަމަވެސް އަންޗެލޮޓީ ބުނީ ކުރިއަށް އޮތް ތަނުގައި އެކަން ކަން ރަނގަޅުކޮށް، އަލުން ރެއާލްގެ މަގާމަށް ދެވޭނެ ކަމުގެ ޔަގީންކަން އޮތް ކަމަށެވެ.
ޗެމްޕިއަން ރެއާލް އެއްވަރުވުމުން އެކަމުގެ ފައިދާ ނެގީ ވާދަވެރި ބާސެލޯނާއެވެ. ލީގުގައި ދެ ޓީމު ވެސް ވަނީ މިހާތަނަށް ހަތް މެޗު ކުޅެފައެވެ. ހަތް މެޗުން ދެ ޓީމަށް ވެސް ލިބެނީ 19 ޕޮއިންޓެވެ. ނަމަވެސް ފައިދާ ގޯލުން ކުރި ހޯދައި، ލީގުގެ އެއް ވަނައިގައި އޮތީ ބާސެލޯނާއެވެ.
