ބައިނަލްއަޤުވާމީ ރަޙުމަތްތެރިކަމުގެ މެޗުގައި ސެނެގާލުން ބޮލީވިއާ ބަލިކޮށްފިއެވެ.
މިއީ ކުރިއަށް އޮތް ފީފާ ވޯލްޑް ކަޕް ފުޓުބޯޅަ މުބާރާތަށް ތައްޔާރުވުމުގެ ގޮތުން ކުޅުނު މެޗެކެވެ. ވޯލްޑް ކަޕްގެ ކުރިން ސެނެގާލުން އަދި އެއް މެޗު ކުޅޭނެއެވެ. އެއީ މި މަހުގެ 27 ވަނަ ދުވަހު އީރާނާ ދެކޮޅަށް ކުޅޭ މެޗެވެ.
ބޮލީވިއާއާ ދެކޮޅަށް ކުޅުނު މެޗު ސެނެގާލުން ކާމިޔާބުކުރީ 2-0 އިންނެވެ. މެޗުގެ ދެ ލަނޑު ވެސް ފެނުނީ ދެ ވަނަ ހާފުގައެވެ. މެޗު ފަށައިގެން ފުރަތަމަ ފަސް މިނެޓުގައި ސެނެގާލުން ވަނީ ލަނޑު ޖަހައި ލީޑު ނަގައިފައެވެ. އެ ލަނޑު އެ ޓީމަށް ޖަހައިދިނީ ބައުލީ ޑިއާއެވެ. ސެނެގާލްގެ ފަހު ލަނޑު ފުރަތަމަ ހާފުގެ 45 ވަނަ މިނެޓުގައި ޖެހީ ސަޑިއޯ މާނޭއެވެ. އެއީ އެ ޓީމަށް ލިބުނު ޕެނަލްޓީއެއްގައި އޭނާ ޖެހި ލަނޑެކެވެ.
ޤަތަރުގައި އޮންނަ ވޯލްޑް ކަޕް މުބާރާތުގައި ސެނެގާލް ހިމެނިފައިވަނީ، ޤަތަރު، އިކުއޭޑޯ އަދި ނެދަލެންޑްސްއާއެކު ގްރޫޕް އޭގައެވެ. ގްރޫޕް ސްޓޭޖުގެ ފުރަތަމަ މެޗުގައި ސެނެގާލުން ނިކުންނާނީ ނެދަލެންޑްސްއާ ދެކޮޅަށެވެ.
