ބްރެޒިލުން ޤާނާ ބަލިކުރި މެޗުގެ ތަރިއަކީ ރިޗާލިސަން

ބައިނަލްއަޤްވާމީ ރަހުމަތްތެރި ކަމުގެ ޗެމެއްގައި ބްރެޒިލް އިން ޤާނާ ބަލިކޮށްފިއެވެ. ޤާނާގެ މައްޗަށް ބްރެޒލުން ކުރި ހޯދީ 3-0 ނެވެ.

މެޗުގައި ބްރެޒލްގެ ތަރިއަކީ މިސީޒަންގައި ޓޮޓެންހަމްއަށް ބަދަލުވެ, ރަނގަޅު ކުޅުމެއް ދައްކަމުން އަންނަ ރިޗާލިސަންއެވެ. ފުރަތަމަ ހާފްގައި އޭނާ ދެ ގޯލް ޖެހިއެވެ. ބްރޒިލްގެ ފުރަތަމަ ގޯލް ނުވަ ވަނަ މިނިޓްގައި ޖެހީ މާކުއީނޯސްއެވެ. މެޗުގައި ރިޗާލިސަން ދެ ގޯލްވެސް ޖެހީ ނޭމާއާއެކު އުފެއްދި ކޮމްބިނޭޝަންގެ ތެރެއިންނެވެ. މެޗުގެ ފުރަތަމަ އެގާރައިންގެ ރިޗާލިސަންއަށް ފުރުޞަތު ލިބުނު އެންމެ ބޮޑު ސަބަބަކީ އާސެނަލްގެ ޖިސޫސްއާއި, ގަބްރިއަލް މާޓިނެލީ ސްކޮޑްގައި ނުހިމެނުމެވެ.

މެޗުގައި ބްރެޒިލްގެ ގޯލް ބެލެހެއްޓީ ލިވަޕޫލް ކީޕަރު އެލިސަން ބެކާއެވެ. ޑިފެންޑަރ ތިއާގޯ ސިލްވާއާއި, މިޑްފީލްޑަރ ކަސެމީރޯއާއަށްވެސް ކޯޗު ފުރުޞަތުދިނެވެ. ލިވަޕޫލްގެ ފަބީނިއޯ ކުޅެން ނިކުތީ ކަސެމީރޯގެ ބަދަލުގައި ބެންޗުންނެވެ. އަންގާރަ ދުވަހު ބްރެޒިލް ދެން ވާދަކުރާނީ ޓިއުނީޝިޔާއާއެވެ. ވޯލްޑްކަޕްގައި ބްރެޒިލް އޮތީ ސަރބިއާ, ސްވިޒަރލެންޑް އަދި ކެމަރޫންއާ އެއް ގްރޫޕެއްގައެވެ.