ކ. މާލެ
|
24 ސެޕްޓެންބަރ 2022 | ހޮނިހިރު 08:08
އެފްއޭއެމްގެ ރައީސް ބައްސާމް އަދީލް ޖަލީލް އަދި ޖެނެރަލް ސެކެޓްރީ ހުސައިން ޖަވާޒް (ޖަވާ)
އެފްއޭއެމްގެ ރައީސް ބައްސާމް އަދީލް ޖަލީލް އަދި ޖެނެރަލް ސެކެޓްރީ ހުސައިން ޖަވާޒް (ޖަވާ)
ރާއްޖެއެމްވީ
އެފްއޭއެމް
އެއް ލައްކަ ފަންސާސް ހާހަށްވުރެ ގިނަ ރުފިޔާ އޭޑީކޭ އަށް ދެއްކުމަށް އެފްއޭއެމްގެ މައްޗަށް ޙުކުމްކޮށްފި
 
ފައިސާ ދެއްކުމަށް ޙުކުމް ކުރީ ހަތް މަސް ދުވަހުގެ ތެރޭގައި ކޮންމެ މަހަކު ވެސް އެ މަހަކަށް ޖެހޭ މިންވަރަށްވުރެ މަދު ނޫން އަދަދަކަށް ދައްކާ ޚަލާސްކުރުމަށް

އޭޑީކޭ ޓްރޭޑް އެންޑް ސިޕިންގ ޕްރައިވެޓް ލިމިޓެޑް އަށް ދައްކަން ޖެހޭ ފައިސާ ދެއްކުމަށް ފުޓުބޯޅަ އެސޯސިއޭޝަން އޮފް މޯލްޑިވްސްގެ މައްޗަށް ސިވިލް ކޯޓުން ޙުކުމްކޮށްފިއެވެ.

އޭޑީކޭގެ ފަރާތުން ސިވިލް ކޯޓަށް މައްސަލަ ހުށަހަޅާފައި ވަނީ އެފްއޭއެމުން އެ ފައިސާ ދައްކާފައި ނުވާތީއެވެ. މި މައްސަލައިގެ އިބްތިދާއީ އަޑު އެހުމުގައި އެފްއޭއެމުން ވަނީ ދައުވާއަށް އިއުތިރާފްވެފައެވެ. އެފްއޭއެމުން ދައުވާ އަށް އިއުރިރާފްވެފައިވާތީ، އޭޑިކޭ އިން ހުށަހެޅި ހެކިތައް ޝަރީއަތުން ވަޒަންކޮށްފައެއް ނުވެއެވެ.

ސިވިލް ކޯޓުން އެފްއޭއެމްގެ މައްޗަށް ޙުކުމް ކުރީ އޭޑީކޭ އަށް ދައްކަން ޖެހޭ އެއް ލައްކަ ފަންސާސް ދެ ހާސް ދެ ރުފިޔާ ނުވަދިހަ ތިން ލާރި (152،082/93) ހަތް މަސް ދުވަހުގެ ތެރޭގައި ދެއްކުމަށެވެ. ފައިސާ ދެއްކުމަށް ޙުކުމް ކުރީ ހަތް މަސް ދުވަހުގެ ތެރޭގައި ކޮންމެ މަހަކު ވެސް އެ މަހަކަށް ޖެހޭ މިންވަރަށްވުރެ މަދު ނޫން އަދަދަކަށް ދައްކާ ޚަލާސްކުރުމަށެވެ. މިއީ އެފްއޭއެމުން އެދުނު މުއްދަތެކެވެ. އޭޑީކޭ އިން ވަނީ އެ މުއްދަތަށް އެއްބަސްވެފައެވެ.

ސިވިލް ކޯޓުގެ ޙުކުމެއް އެފްއޭއެމްގެ މައްޗަށް އައިއިރު، ދާދި ފަހުން ދުނިޔޭގެ ފުޓުބޯޅައިގެ މައި އިދާރާ (ފީފާ) އިން ވަނީ އެފްއޭއެމް އަށް އެންގުންތަކެއް އަންގާފައެވެ. އެއީ ޤައުމީ ޓީމުގެ ކޯޗަކަށް ކުރިން ހުރި މާޓިން ކޫޕްމަނާއި، އެސިސްޓެންޓް ކޯޗަކަށް ހުރި ރެނޭ ހިޑިންކުގެ އިތުރުން ޤައުމީ އަންހެން ޓީމުގެ ކޯޗަކަށް ހުރި ޑޭވޯ ބާބާ އަށް ދޭން ޖެހޭ ފައިސާތަކެއް ދިނުމަށެވެ. މުސާރަ ނުދެވި ގިނަ ދުވަސްތަކެއް ވުމުން ޤައުމީ ޓީމުގެ އެސިސްޓެންޓް ކޯޗުކަމުން ސިމާއޯ ކޮސްޓާ ވެސް ވަނީ ދާދި ފަހުން އިސްތިއުފާ ދީފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ފާޠިމަތު ޒުހައިރާ
0%
0%
0%
100%
0%
0%
ކޮމެންޓް