އިނގިރޭސި ރާނީ އެލިޒަބެތު ދޭއްގެ ހަށިކޮޅު އަންގާރަ ދުވަހު ލަންޑަނަށް ގެންދެވޭނެ ކަމަށް މީޑިއާ ރިޕޯޓުތައް ބުނެފިއެވެ.

ރޮއިޓަރސްގައި ރިޕޯޓުކޮށްފައިވާގޮތުން ރަނީގެ ހަށިކޮޅު އެޑިންބަރާގެ ސެއިންޓް ގައިލްސް ކެތީޑަރެލްގައި 24 ގަޑިއިރު ބޭއްވުމަށްފަހު އަންގާރަ ދުވަހު ލަންޑަނަށް ގެންދެވޭނެއެވެ.

ހޯމަ ދުވަހު ރާނީ އެލިޒަބެތުގެ ހަތަރު ބޭފުޅުން ވަނީ ސެއިންޓް ގައިލްސް ކެތީޑަރެލްގައި އެކަމަނާގެ ހަނދާނުގައި އެކަމަނާގެ ހަށިކޮޅު އަރިހުގައި 10 މިނެޓުގެ ވަގުތުކޮޅެއް ހަމަހިމޭން ކަމުގައި ހޭދަކުރައްވާފައެވެ.

އުމުރުފުޅުން 96 އަހަރުގައި ރާނީ އެލިޒަބެތު ދޭއް އަވަހާރަވީ އާލާސްކަންފުޅާ އުޅުއްވަނިކޮށް ބަލްމޯރަލްގައެވެ. 70 އަހަރު އިނގިރޭސިވިލާތުގެ ރަނިކަން ކުރެއްވި ރާނީ އެލިޒަބަތު ދޭއް އަވަހާރަވުމާއެކު މުޅި އިނގިރޭސިވިލާތައް ވަނީ މާޔޫސްކަން ގެނުވާފައެވެ.

އަންގާރަ ދުވަހު އެކަމަނާގެ ހަށިކޮޅު ލަންޑަނުގައި ހުންނަ ބަކިންހަމް ގަނޑުވަރަށް ގެންދެވުމަށްފަހު ބުދަ ދުވަހު ވެސްޓްމިންސްޓަރއަށް ގެންދެވޭނެއެވެ. އަދި ވެސްޓްމިންސްޓަރގައި 4 ދުވަަސް ބޭއްވެވުމަށް ހަމަޖެހިފައިވެއެވެ.

ރާނީ އެލިޒަބެތު ދޭއްގެ ޖަނާޒާ ބާއްވާނީ ސެޕްޓެމްބަރު 19 ވަނަ ދުވަހުއެވެ. ޖަނާޒާގެ ކަންކަން ކުރިއަށްދާނީ ލަންޑަންގެ ވިންޑްސޮރ ގަނޑުވަރުގައެވެ.