މިހާރު ކުރިއަށްދާ 17 އަހަރުން ދަށުގެ ސާފް ޗެމްޕިއަންޝިޕް މުބާރާތުގައި ސްރީލަންކާ އަތުންވެސް ރާއްޖެ ބަލިވުމުން, މުބާރާތުން ކަޓައިފިއެވެ.
ލަންކާއާއި ރާއްޖެ ބައްދަލުކުރި މެޗު ލަންކާއިން ކާމިޔާބުކުރީ 1-0ންނެވެ. މެޗުގެ ހަމައެކަނި ލަނޑު, ފުރަތަމަ ހާފުގެ ނުވަ ވަނަ މިނެޓުގައި ލަންކާ ޓީމަށް ޖަހައިދިނީ މުހައްމަދު މުފާޒްއެވެ. މިއީ ހިލޭ ޖެހުމަކުން ފޮނުވާލި ބޯޅައެއް ރާއްޖޭގެ ކީޕަރުގެ އަތުގައި ޖެހިފައި ނުކުތުމުން ގޯލުގެ ތެރެއަށް ފޮނުވާލައިގެން އޭނާ ކާމިޔާބުކުރި ލަނޑެކެވެ.
ޖުމްލަ ހަގައުމަކުން ވާދަކުރާ މި މުބާރާތުގައި ރާއްޖެއާއި އެއް ގްރޫޕެއްގައި ހިމެނެނީ ސްރީލަންކާ އާއި ބަންގްލަދޭޝްއެވެ. ރާއްޖޭގެ ފުރަތަމަ މެޗުގައި ބަންގްލަދޭޝް ކައިރިން ބަލިވީ 5-0ންނެވެ.
ދެމެޗުންވެސް ބަލިވުމުން ރާއްޖެއަށް ވަނީ މުބާރާތުގެ ސެމީ ފައިނަލުގެ ޖާގަ ގެއްލިފައެވެ. ރާއްޖެ ހިމެނޭ ގްރޫޕުން ސެމީގައި ވާދަކުރާނީ ސްރީ ލަންކާ އާއި ބަންގްލަދޭޝްއެވެ. ލަންކާ ކުޅުނު އެއް މެޗުން ބަލިވިއިރު, އަނެއް މެޗުން ވަނީ މޮޅުވެފައެވެ. ބަންގްލަދޭޝްގެ ދެމެޗުވެސް އެޓީމުން ކާމިޔާބުކުރިއެވެ.
