ޗެލްސީގައި ރީސް ޖޭމްސްގެ ކޮންޓްރެކްޓް އައުކޮށްފި

ޗެލްސީގެ ޑިފެންޑަރު ރީސް ޖޭމްސްގެ ކޮންޓްރެކްޓް އައުކޮށްފިއެވެ.

އައު އެއްބަސްވުމުގެ ދަށުން އިތުރު 6 އަހަރު އޭނާ ޗެލްސީގައި މަޑުކުރާނެއެވެ. އަލަށް ހެދި އެއްބަސްވުމުގެ މުއްދަތު ހަމަވާނީ 2028 ވަނަ އަހަރުއެވެ.

އުމުރުން 22 އަހަރުގެ ޑިފެންޑަރު ބުނީ އަލަށް ހެދި ކޮންޓްރެކްޓާމެދު ވަރަށް ހިތްހަމަޖެހޭކަމަށެވެ. އަދި މުސްތަގުބަލުގައި އިތުރު ޓްރޮފީތަކެއް ހޯދުމަށް މަސައްކަތްކުރާނެ ކަމަށެވެ.

ޗެލްސީގެ ކަނާއަތްފަޅިން ފަހަތަށް ކުޅެމުން އަންނަ ޖޭމްސް އެޓީމާ ގުޅުނީ 2020 ވަނަ އަހަރުގެ ޖެނުއަރީ މަހުއެވެ. އޭރު އޭނާ ޗެލްސީއާއެކު ހަދާފައިވާ އެއްބަސްވުމުގެ މުއްދަތު ހަމަވާނީ 2025 ވަނަ އަހަރުގެ ނިޔަލަށެވެ. ޖޭމްސް ވަނީ މިހާތަނަށް ޗެލްސީއަށް 128 މެޗު ކުޅެދީފައެވެ. އަދި 2021 ވަނަ އަހަރު ޗެމްޕިއަންސް ލީގު ޗެލްސީއަށް ހޯދައިދިނުމުގައިވެސް ޖޭމްސް މުހިންމު ދައުރެއް އަދާކުރިއެވެ.