ފަބިއޯ ކަވާލިއޯގެ ގޯލުން ލިވަޕޫލް މޮޅުވެއްޖެ
އިތުރު ވަގުތުގައި ލިވަޕޫން މޮޅުކޮށްދިނީ ކަވާލިއޯ، އޭނާ މި ލަނޑު ޖެހީ ޞަލާޙުގެ އެހީތެރިކަމާއެކު
ލިވަޕޫލުން ކުޅުނު މެޗުގެ ތެރެއިން
ފަހު ވަަގުތު ފަބިއޯ ކަވާލިއޯ ޖެހި ލަނޑާއެކު ލިވަޕޫލުން ނިއުކާސަލް ޔުނައިޓެޑް ބަލިކޮށްފިއެވެ.
އުނދަގޫ ހާލަތެއްގައި އޮތް ލިވަޕޫލުން ނިއުކާސަލްގެ ދަނޑުގައި ކުޅުނު ފުޓުބޯޅަ މެޗު ކާމިޔާބުކުރީ 2-1 އިންނެވެ. މެޗުގައިި ފުރަތަމަ ލަނޑު ޖަހައި ލީޑު ނެގީ ނިއުކާސަލް އިންނެވެ. މެޗުގެ 38 ވަނަ މިނެޓުގައި ނިއުކާސަލަށް ލީޑު ނަގައިދިނީ އެލެކްޒެންޑާ އިސާކްއެވެ. އެ ލަނޑަށްފަހު ލިވަޕޫލުން ވަނީ ނަތީޖާ ހަމަހަމަ ކުރުމަށް ވަރަށް ބޮޑަށް މަސައްކަތްކޮށްފައެވެ. ނަމަވެސް ފުރަތަމަ ހާފު ނިމުނީ ނިއުކާސަލް ކުރީގައި އޮވެގެންނެވެ.
ދެ ވަނަ ހާފަށް ނިކުމެ ލިވަޕޫލުން ވަނީ ނަތީޖާ ހަމަހަމަކޮށްފައެވެ. މެޗުގެ 61 ވަނަ މިނެޓުގައި މުޙައްމަދު ޞަލާޙު ތަނަވަސްކޮށްދިން ފުރުސަތެއްގައި ލިވަޕޫލަށް ނަތީޖާ ހަމަހަމަކޮށްދިނީ ރޮބާޓޯ ފިރްމީނޯއެވެ. ލަނޑަށްފަހު ލީޑު ނެގުމަށް ލިވަޕޫލުން ކުރި މަސައްކަތް ކާމިޔާބުކުރެވުނީ، މެޗުގެ ފުރިހަމަ ވަގުތު ހަމަވެ، އިތުރަށް ދެއްކި އަށް މިނެޓުގެ ތެރޭގައެވެ. އިތުރު ވަގުތުގައި ލިވަޕޫން މޮޅުކޮށްދިނީ ކަވާލިއޯއެވެ. އޭނާ މި ލަނޑު ޖެހީ ޞަލާޙުގެ އެހީތެރިކަމާއެކުއެވެ.
ލީގުގައި މިހާތަނަށް ކުޅުނު ފަސް މެޗުގެ ތެރެއިން ލިވަޕޫލް މޮޅުވެފައިވަނީ ދެ މެޗުންނެވެ. ދެ މެޗުން އެއްވަރުވެފައިވާއިރު، އެއް މެޗުން ވަނީ ބަލިވެފައެވެ. ކުޅުނު ފަސް މެޗުން ލިބުނު އަށް ޕޮއިންޓާއެކު ލިވަޕޫލް އޮތީ ތާވަލްގެ ފަސް ވަނަ މަގާމުގައެވެ.
