އަޝްފާޤު ދެ ލަނޑު ޖެހި، އެކަމަކު ބަކޫޒާ އަތުން ޓީމަށް މޮޅެއް ނުވެވުނު
ތިން މެޗުން ހިންނަވަރަށް ލިބުނީ ހަތަރު ޕޮއިންޓް
ބަކޫޒާއާ ދެކޮޅަށް ކުޅުނު މެޗުގައި އަޝްފާޤު
ހިންނަވަރު ފުޓްބޯލް ޗެލެންޖްގައި ބަކޫޒާ ސްޕޯރޓްސް ކޮޅަށް އަލީ އަޝްފާޤު ދެ ލަނޑު ޖެހިނަމަވެސް, އޭނާ ކުޅެމުން އަންނަ ހިންނަވަރު ހިންނަވަރު ސްޕޯރޓްސް ކްލަބަށް މޮޅެއް ނުވެވުނެވެ.
ހިންނަވަރު ސްޕޯރޓްސް ކްލަބްގެ ތިންވަނަ ފުޓުބޯޅަ މެޗުގައި ބަކޫޒާ ސްޕޯރޓްސް ކްލަބާ ވާދަކޮށްވީ އެއްވަރެވެ. ހިންނަވަރުގެ ދެ ލަނޑުވެސް ޖެހީ މެޗުގެ މޮޅު ކުޅުންތެރިޔާ އަލީ އަޝްފާޤު (ދަގަނޑޭ) އެވެ. އެކަމަކު ބަކޫޒާގެ މައުރޫފް ހުސެއިންއާއި, އަބުދުالله ރަމީޒު އަހުމަދު ޖެހި ލަނޑުން, ހިންނަވަރު މޮޅުވިޔަނުދީ ހިފެހެއްޓިއެވެ. މިނަތީޖާއާއެކު ތިން މެޗުން ހިންނަވަރަށް ލިބެނީ ހަތަރު ޕޮއިންޓެވެ. މުބާރާތުގައި ވާދަކުރަނީ ފަސް ޓީމެވެ. މުބާރާތުގައި ކުޅުނު ތިން މެޗުން އަޝަފާޤު ވަނީ ހަތަރު ލަނޑު ޖަހާފައެވެ.
ހިންނަވަރާއި, ބަކޫޒާގެ އިތުރުން މުބާރާތުގައި ވާދަކުރަނީ ކްލަބް އޭދަފުއްޓާއި, ނައިފަރު ޗެލްސީއާއި, ވެލިދޫ ސްޕޯރޓްސް ކްލަބެވެ.
