ޗެމްޕިއަންކަން ހޯދީ ނައިފަރު ޗެލްސީ
ހިންނަވަރު ޓީމަށް ރާއްޖޭގައި އުފެދުނު އެންމެ މޮޅު ކުޅުންތެރިޔާ އަޝްފާޤު ކުޅުނު
ޗެމްޕިއަން ނައިފަރު ޗެލްސީގެ ކުޅުންތެރިންނާއެކު ރައީސުލްޖުމްހޫރިއްޔާ
ހިންނަވަރު ފުޓްބޯލް ޗެމްޕިއަންޝިޕްގެ ޗެމްޕިއަންކަން ނައިފަރު ޗެލްސީ ހޯދައިފިއެވެ.
ނައިފަރު ޗެލްސީން ޗެމްޕިއަންކަން ހޯދީ ފައިނަލްގައި ހިންނަވަރު ސްޕޯރޓްސް ކްލަބް އަތުން ފަސޭހަ މޮޅެއް ހޯދައިގެންނެވެ. ފައިނަލް މެޗު ނައިފަރުން ކާމިޔާބުކުރީ 5-2 ލަނޑުންނެވެ. މެޗުގައި ނައިފަރުގެ މުޙައްމަދު ނަޝީދު ހަތަރު ލަނޑު ޖެހިއެވެ. އަނެއް ލަނޑު ޖެހީ މުޙައްމަދު އިސާމްއެވެ. މެޗުގެ މޮޅު ކުޅުންތެރިއަކީ ހަތަރު ލަނޑު ޖެހި މުޙައްމަދު ނަޝީދުއެވެ. ހިންނަވަރުގެ ދެ ލަނޑު ޖެހީ އަލީ އަޝްފާޤު (ދަގަނޑޭ)އާއި, މުޙައްމަދު ނަސީރުއެވެ. އަޝްފާޤު ލަނޑު ޖެހީ ޕެނަލްޓީއަކުންނެވެ. މުބާރާތުގެ އެންމެ މޮޅު ކުޅުންތެރިއަކީ ހިންނަވަރުގެ ވިޖާޒު އީސާއެވެ.
އަންނަ އަހަރުގެ މުބާރާތަށް ނައިފަރު ޗެލްސީން ނިކުންނާނީ ތަށި މިލްކްކުރުމަށެވެ. ހިންނަވަރު ހިރިޔާއިން ބޭއްވި މުބާރާތުގެ ޗެމްޕިއަންޓީމަށް 50,000 ރުފިޔާ ވަނީ ދީފައެވެ.
